Bugz: Dili kuwarta akong giapas!

CEBU, Philippines - Gihimakak sa kanhi produkto sa StarStruck nga si Bugz Daigo  ang tsika nga matud pa kuwarta ra ang iyang giapas sa transsexual niya nga hinigugma nga si Hazel Timonera.  Gitataw ni Bugz nga tinud-anay ang iyang gugma ngadto kang Hazel ug wala niya kini nga gikauwaw. Giingong nagpakasal na ang duha sa usa ka dapit sa Baguio City.

DJ makig-uli ni Wenn

Gibutyag ni DJ Durano nga iyaha gyud nga paningkamotan nga magkatingog na sila og balik di Derek Wenn Deramas. Nasayran nga pipila na ka buwan nga wala magtingog ang duha ug padayon nila nga gitago ang tinud-anay nga rason niini.

Bag-ong inspirasyon ni Ryza

Adunay adunahan nga lalaki ang nanguyab karon ni Ryza Cenon ug matud pa nga dako kini og tsansa nga sugton sa aktres gumikan kay kanunay na nga mag-uban sa pagpanuroy ang duha.

Aduna na’y petsa

Gibutyag ni Gerald Anderson nga karong September na ipasalida sa telebisyon ang serye niya ga Bukas Na Lang Kita Mamahalin. Suma pa sa aktor nga daghan gyud ang sige’g pangutana  kaniya kung kanus-a kini  ipasalida gumikan kay ang uban niini naghinam-hinam na pag-ayo  nga makakita sa maong serye.

Kobe mibarog sa mensahe

Gibarugan gyud ni  Kobe Paras ang gi-post niya nga mensahe sa iyang Twitter sa maging adlaw ug wala gyud niya kini papasa.   “If you’re a fan of Jackie Forster, don’t follow me,” tweet pa ni Kobe nga tataw nga dili pa siya andam makigtingog sa iyang inahan.

Diana gipangga sa Dos

Human sa malampuson nga paglugwa ni Diana Zubiri sa seryeng Juan dela Cruz,  ang  drama series  nga Bukas na Lang Kita Mamahalin maoy sunod nga project sa aktres sa ABS-CBN.

Maja naanad magminaldita

Tsika pa ni Maja Salvador nga kontrabida siya ni Angel Locsin sa umaabot nga serye sa ABS-CBN na Hanggang Kailan Kita Mamahalin. Matud pa sa aktres nga dili naa kaayo siya mag-adjust sa maong serye gumikan kay makadaghan na siya nga higayon nga nakabaton og papel nga kontrabida.

Yeng andam na magminyo

Andam na mosulod sa kaminyoon ang singer nga si Yeng Constantino ug nag-agad ra siya sa iyang uyab nga si Victor Asuncion kung kanus-a kini mo-propose kaniya. Suma pa ni Yeng nga 24 anyos na siya busa mahimo na sila nga mosulod sa maong butang.

Derek nidayeg sa kaanyag ni Jasmine

Deretsohay nga gipadayag ni Derek Ramsay nga mas ganahan siya sa beauty ni Jasmine Curtis Smith kumpara sa maguwang niini nga si Anne Curtis.  Apan iyang giklaro nga wala niya sawaya si Anne ilabi na nga soud sila nga higala niini. Suma pa ni Derek nga igo ra siya nidayeg ni Jasmine gumikan kay bag-o kini sa industriya ug type usab niya ang Pinay og beauty.

Ate V mag-producer na

Tungod sa indie film niya nga Ekstra , nakahuna-huna si  Gov. Vilma Santos nga mo-produce puhon og indie film. Nakita ni Ate V nga nindot ang indie film ug daghan nga mga artista ang mahatagan og higayon nga makapakita sa ilang talento sa pag-arte.

Billy: Ayaw basola si Nikki

Emosyonal si Billy sa interview niya sa The Buzz kagahapon sa hapon ug nanawagan sa katawhan nga dili basulon si Nikki Gil  sa ilang break-up.   Suma pa ni Billy nga iyaha pa nga gihigugma si Nikki apan dili mahimo nga ipadayon pa ang ilang relasyon gumikan kay samot niya kini nga mapasakitan.

Wala siya mohatag og klarong detalye sa rason sa ilang break-up apan iyang gibutyag nga iyaha una nga pangitaon ang iyang kaugalingon.

“Importante na mahanap mo muna sarili mo. I think kung maligaya ka, mas madaling magpaligaya ng tao. Hindi ko sya napaligaya. Nasaktan ko siya. She’s an amazing person,” suma pa ni Billy

Kasamtangan una nga mobiya sa Pilipinas si Billy Crawford aron makig-uban sa iyang pamilya didto sa Amerika.

Nasulbad na gyud

Nakakita na og direktor ang pelikulang Torky and My Little Bossing nga pagabidahan nila ni Kris Aquino, Vic Sotto, Ryzza Mae Dizon ug Bimby. Si Direk Marlon Rivera maoy gihulip ni Joyce Bernal kinsa dili na puwede maka-direk sa maong pelikula gumikan kay nakasugod na kini og gama sa pelikulang 10,000 Hours nga entry pud sa Metro Manila Film Festival 2013.

Raymond mobalhin sa TV5?

Gikatahong mobalhin na sa TV 5 ang kapuso star nga si Raymond Gutierrez. Giingong gitanyagan ang TV host og talk show sa TV 5 kung diin makauban niya si Cristy Fermin.

Executive sa ABS mibalhin sa GMA

Ni-retire na si Cathy Ocha-Perez  sa iyang pagka-executive sa pipila ka programa sa ABS-CBN ug nibalhin na kini sa GMA-7.  Gibitbit ni Cathy sa GMA ang pipila niya ka staff sa ABS-CBN niadto.

Alden wala mo-renew sa ICONS

Gikumpirmar ni Alden Richards nga wala na siya mo-renew sa iyang kontrata sa ICONS Talent Management Agency busa exclusive na siya karon sa GMA Artist Center. Nagdumili si Alden sa pagbutyag sa rason sa wala niya pag-renew sa ICONS.

Ginoo Maoy Matuman Jacaban Anadia

Ang pagtikawtikaw sa kahanginan maoy iyang kalipay gumikan kay buot lang niya nga malipay usab ang katawhan nga naminaw kaniya.

 Ang DJ sa 94.7 Energy FM nga si Kenchong Dee maoy labing una nga DJ sa ilang station nga nasulod sa top 5 sa tulumanon sa Banat News Hugyaw (BNH) nga My Favorite DJ (MFD) ug nahimutang pa gyud siya sa ikaduhang puwesto, hinungdan nga nakugang siya.  

Madungog si Kenchong Dee gikan sa Lunes hangtud sa Sabado sa programang Energy sa Tanghali (12-1pm), Energy sa Hapon (3-5pm) ug Energy Talk Muna (9-12midnight).

Katag ang schedule ni Kenchong Dee apan nalingaw ra siya niini ug gipasigarbo usab niya og maayo ang paghatag niya og mga bulawanong tambag ngadto sa iyang listeners.

Puwes panahon na nga tubagon ni Kenchong Dee ang mga pangutana sa Hugyawnatics, gora!!!

Q and A

Hugyawnatic: Kanus-a ka magminyo? From Mariam Casas Senerpida

DJ Kenchong Dee:  Magminyo? Hehehehe.. maybe sooner or later but as of this time, wa pa ni-cross sa akong mind ang magminyo. Daghan pa ko gusto nga makab-ot. Daghan pa ko gusto nga ma-experience.

Hugyawnatic: If you’re torn between two lovers, who would you choose, the first one, or the second one? From   Jrhubz Villamor Caine

DJ Kenchong Dee: The second one, kay dili man ka mahigugma sa ikaduha kun love pa gyud nimo ang una.

Hugyawnatic: Unsa ang imu na feel karon nga sa kadaghan nga DJs diri sa Metro Cebu naa gyud ka nahimutang sa top 2.Then follow up question, naa nabay suwerteng babaye nga nakapapitik sa imong kasingkasing? From  JerameVisoc of Tugasan , Guadalupe, CebuCity.

DJ Kenchong Dee: Wala ko nag-expect nga mahimutang ko sa number 2 spot. Pero dili nako ma-describe kun unsa ko ka mapasalamaton sa tanan nga nisupport nako. Sa pangutana nga duna bay nakapapitik sa akong kasing-kasing? Yeah. naa.. hehehehehe…

  Hugyawnatic:  Unsa may imong gi-maintain nga porma man kaayo ang imong lawas? From  Ruel Cotimar of Abellana National School

DJ Kenchong Dee:  Hehehehehe, wala ra man, basta kaon lang ka sa sakto gud. Ayaw gyud papasmo ug dili pud ka magpalabi.

  Hugyawnatic:  Unsa ang feeling nga nakasulod ka sa Top 5?  From Rey2x Arcinia of Mandaue

DJ Kenchong Dee: Malipayon kaayo ko kay daghan sad diay ang nisupport nako. Salamat kaayo ninyo tanan nga nisupport nako. 

Hugyawnatic:    Kung ikaw ang pasultion, unsaon nimo paghulagway ang imong tingog?      From Jay Y. of    Carmen, Cebu

DJ Kenchong Dee: Actually, dili man gyud ko nindot  og tingog. Mo -ubo lang gani ko bati na kaayo, hehehe  pero ganahan lang ko molingaw sa mga tawo nga naminaw nako sa radio. Nag-start ko pagka-DJ kadtong 20 years old pa ko. Nalingaw ra sad ko sa akong trabaho karun.

  Hugyawnatic:  Unsa nga kurso ang imong nahuman ug nganong nahimo ka nga DJ (please narrate) From  Em-em Pabilona of Capitol Site

DJ Kenchong Dee: Ang pag DJ, wala sa kurso nga nahuman o sa kursong gi-eskuylahan. Akong kurso gyud is Bachelor of Arts Major in Political Science, ganahan lang kaayo ko molingaw og mga tawo ug ganahan sad ko og bisan unsa nga klase nga mga music . Maong bata pa lang ko, ganahan na gyud mag-DJ.

Hugyawnatic:  Hi Kenchong Dee , guwapo kaayo ka, alang kanimo, unsa ang imong best asset and why? From    Aiza Nutrasco of    Talisay City

DJ Kenchong Dee: Sa tinuod lang wa gyud ko kahibaw, hahaha. Ingon sila mata daw, pero ambot murag dili siguro. Sa mga nakakita, sila na lang siguro mo-judge nako,hehe.

Hugyawnatic:  Unsa imong sekreto sa pagmintinar kahamis sa imong panit? From  Abegail G.    of Lapulapu City

DJ Kenchong Dee: Sa picture ra seguro ko hamis og panit. Sa personal, dili man tingali..hahaha.

Hugyawnatic:  Good morning idol, unsay makapasuko nimo?    From  Lynlyn Maracas of Minglanilla,Cebu

DJ Kenchong Dee: Dili man hinuon kaayo ko dali masuko, pero kanang time siguro nga naay kulit na gyud kaayo nga wa na sa lugar. Ug kana sad sigurong bisag unsaon nimo og pasabot, di gyud kasabot, masuko tingali ko ana, hehe.

Hugyawnatic:  Sultihi daw mi idol    bisan gamay lang kabahin    sa    imong    goals ug dreams. From Tina Ridora of Sibonga,Cebu

DJ Kenchong Dee: Daghan pa hinuon kaayo kog mga goals sa akong kinabuhi nga gusto pa nako ma-achieve. Gusto pa ko makatabang sa akong family ug makakita ko nila nga dili maglisud. Dreams in life, daghan sad, libre lang naman mangarap di ba?..hehe. Pero kun unsay ihatag sa Ginoo, dako na kaayo nang kalipay nako.

Fastfacts

Name: Aimie Glend Tesio 

Nick name: Kenchong

Age: 27

Birth date: November  7, 1985

Birth place: Santander, Cebu 

                                                                                                                                                                                                         Religion: Roman Catholic

Hobbies: Playing guitar and keyboard 

Favorite Colors: Blue ug Red 

Favorite Food: Seafood

Favorite TV  Show:  Britain’s  Got Talent

Favorite Actor: Hugh Jackman

Favorite Actress:  Kirstin Laura Kreuk 

Favorite Singer: CJ Snare (Firehouse) 

Favorite Cartoon  character: Luffy sa One Piece