Si Ricky lang ang nailhan

CEBU, Philippines - O ano, Julian Tancawan Fitoy Vahawan? Clear na’g kinsay dad-on ni maam Rose Gaisano diha sa Gaisano The Main Store? Utang buot Julian, palihog, ingna’s maam Rose, nga kun duna gani siya’y dad-ong artista dinhi’s Cebu, pahapita intawon sa Gaisano, The Main Store. Kay ang Senior Citizen intawon, Julian kutob ra gyod intawon diha sa Gaisano Main. Wa na’y ikalahutay’g kuyog, bisa’g sa Lighthouse lang. Baydawe, korekajan, Julian Tancawan Fitoy Vahawan! It is true, nga si Ricky Davao ra gyod ang nailhan namong mga kabus, nga artista sa movie  nga Boses. Kay kamo ra gyong mga sakop sa taas nga hut-ong sa katilingban ang nakaila sa iyang mga kauban, nga ang duha, de caledad konong mga bayolinista. Kaming mga kabus intawon, Julian, wa man intawon mi makaila’g kinsay mga maayong motukar og violin uy. Remember? Nga dunay ilado kaayong radio personality kaniadtong miingon, “I don’t even play a guitar, how much more, a violin?”  Sa dihang gipangutana siya’g “what can you say about the violence in our country..?” Ana jud ming mga kabus. Wa gani mi makaila’g unsay violence. Pero totoo “yan Julian, nag-promise jud kong Ricky Davao, nga motan-aw jud ko’s Boses, bahala na’g ako rang usa sa sulod sa sinehan, sama atong pagtan-aw nako sa “Emir” starring pod Dulce, nga duha ra mi kabuok sa sulod sa sinehan. Pasagdi lang ming mga lunod-patay’ng mga friends nilang Dulce ug Ricky Davao, nga bisa’g unsaon ninyo’g tamay, nagpabilin gihapon ming proud sa among pagka kabus. Kay despite gani sa My Little Juan, mo-watch man jud ko’s Basang Sisiw, ug obvious kaayo ang rason.