Habang ipinagmamalaki ng radio DJ ang kanyang flat sa New York: Nanay ni Mo Twister panay ang pa-rediscount ng tseke

PIK: Feel agad ni Valerie Concepcion na welcome siya sa Kapuso Network nang bumalik ito sa GMA 7 at isinali na siya sa Anna Karenina na magsisimula na bukas sa GMA Telebabad.

Nung nasa kabilang istasyon siya at marami pa naman siyang kaibigan sa GMA 7 at lagi siyang sinasabihang bumalik na siya. Kaya nagpapasalamat siya na binigyan siya ng pagkakataong makabalik sa naturang network.

PAK: Kuwento ng ilang kaibigang taga-Bulacan, panay daw ang pa rediscount ng tseke ng ina ni Mo Twister. Pagkatapos ipinakita ni DJ Mo ang magandang flat niya sa New York, tinatanong daw ng mga taga-Bulacan kung nagpapadala ba ng financial assistance si DJ Mo sa pamilya niya sa Bulacan. Bakit daw panay pa rediscount ng ina ng kilalang radio personality?

BOOM: Umakyat na sa korte ang kasong libel na isinampa ni Atty. Annette Gozon-Abrogar laban kay Sarah Lahbati.

Ini-raffle ang naturang kaso at napunta ito sa sala ni Judge Winlove Dumayas ng Branch 59 ng Makati-RTC.

Nung May 20 ay nag-isyu si Judge Dumayas ng warrant of arrest laban kay Sarah. Pero hindi pa naman ito masi-serve dahil nasa Switzerland pa ang young actress.           

Kung sakaling babalik si Sarah dito sa bansa, doon lang puwede ma-serve ang warrant of arrest na inisyu laban sa kanya.

Pero nasa Switzerland pa si Sarah at wala pa silang ipinarating na mensahe kung babalik pa ba siya rito o hindi na.