Dream job
CEBU, Philippines - Mayo na. Humana ang graduation sa nagkadaiyang unibersidad sa Pilipinas. Ug dinhi na magsugod ang labing dakong hagit sa mga bag-ong professional: pagpangita og trabaho.
Ang matag usa adunay gipangandoy nga trabaho “dream job†apan dili tanan ang magmalampuson pagkab-ot niini. Ang kamatuoran mao nga dili diha-diha dayon maangkon nimo ang trabaho nga imo gayud nga gipangandoy. Usahay kinahanglanon pa gani nga motrabaho ka dili konektado sa imong diploma. Busa unsaon pa man nimo pag-angkon sa imong dream job?
Aniay mga tips gikan sa U.S.News ug World Report LP:
1. Pangutana!
Pangutan-a imong kaugalingon: Unsay makapalipay kanimo?
Kun wala ka masayod unsay imong dream job, angayan nga mamalandong ka. Usa ka malampuson nga investment banker nga si Elle Kaplan, ang matud pa miundang sa iyang trabaho human sa 10 ka tuig, ug nagtukod og kaugalingong negosyo nga mao ang Lexion Capital Management. Suma pa niya aron masayran nimo unsay imong dream job, angayan nga pangutan-on nimo ang imong kaugalingon unsay makapalipay nimo o kanus-a ka labing malipayon ug kontento. Ang tubag niini mao ang imong dream job.
2. Niadtong bata ka pa!
Si Dr. Michael Provitera kinsa professor, management consultant ug author sa “Mastering Self-Motivation,†misugyot nga ang paghinumdom sa mga butang nga ganahan nimong buhaton niadtong bata pa ka makatabang usab. Hayan ganahan kaayo ka mag-drawing niya pa, maoy mutukmod nimo unsa gyud ang imong ganahan nga trabaho. Angayan pud nga imong hunahunaon unsay buot nimong buhaton karon nga hamtong ka na.
3. Pagpakitabang!
Aron makasabot ka unsa gyud ang imong dream job kinahanglan nga magpakitabang ka. Si John Paul Engel, executive director sa Project Be The Change, miingon nga importante nga duna kay “mentor†kinsa naghupot na sa mga butang ug katakus nga imong gipangandoy.
4. Pagpakisayud!
Tambag ni Engel pangutan-a ang imong mentor giunsa niya pagkab-ot ang mga butang nga naa niya karon? Unsa ang mga pagtulun-an nga imong naangkon nga maoy nakatabang kanimo aron magmalampuson? Ug unsay angayan nimong buhaton aron pud ikaw magmalampuson?
5. Panawag!
Matud ni Engel mahimo kang mangita og mentor sa Internet (LinkedIn, Google), apan mas maayo nga manawag gyud ka pinaagi sa telepono. Kun paminaw nimo dili makigsulti nimo ang imong gihandum nga mentor, itanyag ngadto niya nga mutrabaho ka og usa ka oras sa paborito niya nga charity isip bugti sa matag minuto nga iyang igahin nimo.
6. Pakighugoyhugoy!
Midugang si Engel nga mas maayo musalmot ka og mga kapunungan aron makahimamat ka og mga tawo nga hayan makatabang kanimo.
7. Pag-sure diha!
Madismaya ka kun inig graduate nimo sa college dili ka mutrabaho sa dili nimo dream job. Suma pa ni Shawn S. Talley, director of human resource sa NovaSom, Inc. ang pagpanarbaho usa ka panaw ug dili destinasyon. “Your employment career will be a journey not a final destination. Furthermore, what may be your dream today may change tomorrow. A dream job is a job that is helping you progress toward your dreams, not a perfect fantasy position,†niya pa.
8. Pagkat-on!
Isipa nga ang imong kasamtangang trabaho maoy muhatod nimo paingon sa imo gayud nga dream job. Pagkat-on kutob sa imong mahimo diha sa imong kasamtangang trabaho sanglit imo ra gayud kining magamit ug mas dali nimo makab-ot ang imong dream job.
9. Lihok!
Dili itunol diha nimo ang imong gipangandoy nga trabaho. Ikaw mismo ang mulihok aron kini mahimong posibli. “The little decisions that you make everyday [are] what your life becomes,†nagkanayon si Engel. What steps can you take toward the job you want?
- Latest
