Lindsay ipa-rehab og 90 ka adlaw

CEBU, Philippines - Gidawat sa  Hollywood actress nga si Lindsay Lohan ang plea bargain agreement sa korte aron dili siya masulod sa prisohan kalabot sa kaso sa pagkabangga sa iyang sakyanan.

Base sa  plea bargain,  ipasulod si Lindsay og tulo ka buwan o 90 ka adlaw sa “locked rehab facility”  ug mohimo kini og 30 ka adlaw nga community service.

Suma pa ni  Los Angeles Superior Court Judge James Dabney, kinahanglan nga ipaubos usab ang aktres sa psychotherapy sulod sa 18 ka buwan .

Kahinumduman nga gipasakaan og kaso si Lindsay sa dihang namakak siya sa kapulisan nga matud pa nga dili siya ang nag-maneho sa nabangga niya nga sports car sa Santa Monica, California niadtong June 8, 2012.

Wala na lang moreklamo si Lindsay sa maong kaso isip kabahin sa plea bargain.

Nasayran nga hangtud karon,  under probation gihapon ang aktres human kini nangawat og kwentas.

Gisuginlan usab ni  Judge Dabney si Lindsay nga maglikay na sa bisan unsa nga kagubot.

“A suggestion: Don’t drive. You’re in New York, you don’t need a car. This is it. If you violate your probation we’re not going to be having these discussions,” matud pa sa hurado.

Kim gipanalipdan ni Enzo

Giklaro ni  Enzo Pineda nga walay kalabotan ang bag-ong Kapuso actress nga si  Kim Rodriguez kabahin sa break-up nila ni Louise.

Si Kim maoy leading lady ni Enzo sa Kakambal ni Eliana ug naikog siya sa aktres  gumikan sa pagkadamay sa pangalan niini.

“It’s a mutual decision between me and Louise, because naisip namin na mas maganda mag-prioritize muna kami sa mga goals and dreams namin sa buhay. Para naman sa akin kasi, sa tingin ko, mas masarap magmahal kapag na-achieve mo lahat ng goals and dreams mo, and of course kapag graduate ka na sa pag-aaral. Therefore, you don’t have to think about anything else but to love,” saysay pa ni Enzo.

Suma pa ni Enzo nga dili na angayan nga mangamong og laing tawo sa nahitabo nila ni Louise ug hagbay ra niya nga gipadayag nga walay third party sa ilang break-up.

“Yes, I’m close with Kim. Sa totoo lang nahihiya ako na kailangan pang madamay ni Kim dito. She was never part of our problem. Sana wala namang ganung issue kay Kim. It’s between me and Louise,” dugang pa ni Enzo.

Zanjoe mitin-aw sa isyu nga dili siya matinud-anon ni Bea

Gihimakak ni  Zanjoe Marudo ang nitumaw nga mga istorya sa miaging adlaw nga matud pa nga dili siya matinud-anon ngadto sa iyang girlfriend nga si Bea Alonzo.

Mitumaw usab ang mga taho nga mahadlok siya nga pakaslan si Bea apan iyang giklaro nga kinahanglan og igong panahon sa dili pa himoon ang maong butang.

“Ang importante sa akin ay hindi ‘yung sinasabi ng ibang tao. Ang importante sa akin ay kung ano ang alam ni Bea at mga taong nakapaligid sa kanya. Minsan kasi hindi mawawala ‘yung ganyang klaseng isyu,” nagkanayon si Zanjoe ngadto sa ABS-CBN News.

Ang labing importante alang kang Zanjoe nga malipayon silang duha ug walay angayan nga dalian kalabot sa pagpakasal.

“Importante kasi na (magkakilala), araw-araw ‘yung may natututunan kayo at nakilala niyo ang isa’t isa. At kung dumating sa punto na kami na nga at least maayos at nakilala namin at seryoso kami sa isa’t isa,” saysay pa sa aktor.

Gihimakak usab ni Zanjoe ang report nga matud pa nga nakapalit na sila ni Bea og balay.

“Wala pa. Bumibili siya para sa kanya at bumibili ako para sa akin. (Mayroon kaming) binili love birds. Wala talaga. Ako nag-iipon pa ako para din sa sarili kong bahay, sa pamilya ko,” depensa pa sa aktor.

Gipahibalo usab ni Zanjoe nga mag-uban sila ni Bea karong Holy Week kung diin plano nila nga mobakasyon sa Australia.

Justin gipalayas sa hotel?

Matud pa nga adunay attitude problem ang pop singer nga si Justin Bieber busa giingong gipalayas kini sa giistaran niini nga hotel sa London.

Apan ang kampo sa singer misaysay nga ang singer mismo ang boluntaryong mibiya sa sikat nga hotel sa London nga  Hotel Le Meurice gumikan kay nagkagubot na pag-ayo ang fans sa gawas sa maong establisamento.

Giingong nahasol ang ubang guests sa maong hotel gumikan sa kadaghang tawo nga nag-alirong sa gawas nga bahin niini.