Hayop sa Galing sugdan na
CEBU, Philippines - Moarangkada na ugma sa gabii, February 2 ang programang Hayop sa Galing ni Joey de Leon kung diin mopakita kini sa hugyaw nga mga video sa hayop sa bisan asa nga dapit sa kalibutan.
Sa pilot episode niini ugma, ipakita ang tawo nga naluwas sa kuyaw nga kahimtang human kini napahitan sa alligator, samtang laing tawo ang naluwas human gisulong sa dakong iho sa dagat.
Gawas sa makalingaw nga video sa hayop, aduna pu’y mga guest si Joey kung diin aduna siya’y idalit nga trivia game.Ang special guests ugma naglangkob nila ni Ritz Azul ug Martin Escudero.
Molugwa karong Pebrero 11
Gihulagway nga usa sa giatngan nga serye sa primetime mao ang Apoy sa Dagat nga magsugod na karong Pebrero 11 nga pagabidahan nila ni Piolo Pascual, Angelica Panganiban ug Diether Ocampo.
Ipakita sa maong serye ang nagkainit nga gugma uban sa sakripisyo aron makab-ot ang gustong mahitabo sa kinabuhi. Makita usab sa maong serye sila si Angel Aquino, Aiko Melendez, Sylvia Sanchez, Perla Bautista, Liza Lorena, Freddie Webb, Melai Cantiveros, Eric Fructuoso, Regine Angeles, Bryan Santos, ug Mikaila Ramirez. Aduna pud espesyal nga partisipasyon sa maong serye sila si Nikki Gil, Empress, ug Patrick Garcia.
Jennylyn mi-renew sa GMA
Gi-renew ni Jennylyn Mercado ang iyang kontrata sa GMA-7 ug gihangop siya sa miaging adlaw sa mga kadagkoan sa maong istasyon.
Mipirma siya og exclusive contract nga gisaksihan mismo nila ni GMA Entertainment TV’s Officer-in-Charge Lilybeth G. Rasonable, GMA President and Chief Operating Officer Gilberto R. Duavit, Jr., ug GMA Chairman and Chief Executive Officer Atty. Felipe L. Gozon, .
Gipasigarbo pag-ayo sa GMA si Jen gumikan kay nag-ugat ang career niini sa ilang reality-based artista search nga Starstruck.
“I’m very happy and I feel so blessed dahil inalagaan at hindi ako pinabayaan ng GMA sa lahat ng pinagdaanan ko. Dito ako lumaki at nag-grow bilang isang actress, singer at host. Kung wala sila, hindi ako makikilala ng mga tao. Loyalty is very important to me,†suma pa ni Jen.
Atol sa contract signing, misaysay si Atty. Gozon nga gipasigarbo usab niya ang mga kalampusan ni Jen sa showbiz
“Starstruck pa lang ay fan na ako ni Jennylyn. Kaya tayo ay nagagalak dahil napro-prove natin na ang ating mga programa ay nagkakaroon ng successful conclusion dahil full-pledged star na si Jennylyn,†nagkanayon si Gozon.
Samtang si Mr. Duavit, nga malipayon siya nga samtang nagkadugay si Jen sa showbiz, nagkalambo usab kini.
“Hindi ko makakalimutan noong nanalo siya sa Starstruck. At kami ay nagpapasalamat kay Jennylyn at natutuwa sa kanyang ehemplo bilang isang tunay na Kapuso,†tsika pa ni Duavit.
Kasamtangang makita si Jen sa top-rating primetime series nga Indio, showbiz news magazine program nga HOT T.V., ug sa musical variety show nga Party Pilipinas.
- Latest
