Psy nominado sa World Music Awards

CEBU, Philippines -  Nominado sa tulo ka mga kategorya sa 2012 World Music Awards (WMA) ang pop sensation nga si Psy gumikan sa smash hit nga "Gangnam Style."

Nominado si Psy sa kategoryang  best song, best video ug best male artist .

Giingong nagpusot-pusot na usab karon sa You Tube ang nagkadaiya nga bersyon sa Gangnam Style ug pipila na ka mga ilado nga personalidad ang mingsayaw niini.

Angelica: Wala'y uso regalo

Gibutyag ni Angelica Panganiban nga wala na'y uso ang mahalon nga regalo karong  panahona busa nagplano siya nga card lang ang iyang ihatag ngadto sa iyang boyfriend nga si John Lloyd Cruz karong Pasko.

Labing importante sa aktres nga mag-uban sila sa maong espesyal nga adlaw ug una kini nga Pasko nga sila maoy mag-uban. Matud  pa niya nga busy sa trabaho si Lloydie busa iyang  panghinaut nga magsagunson na kini pag-ayo.