Iza maglalaro para sa mga beki sa 'Deal'

Manila, Philippines - Tulad ng karakter niya bilang Andrea sa kan­yang unang Kapamilya teleserye na Kahit Puso’y Masugatan, talaga namang may ma­laking puso rin ang aktres na si Iza Calza­do at ngayong Sabado (July 14) kapakanan ng mga nakatatandang bakla sa Golden Gays ang itinitibok ng puso niya dahil ito ang napili ni­yang benepisyaryo ng kanyang mapapa­na­lu­nan sa hit game show na Kapamilya, Deal or No Deal.

Susubukan nga ni Iza na makuha ang P2 mil­yon at makikipag-areglo kay Banker sa u­nang pagkakataon. Pinili ng mahusay na dra­ma­tic actress ang briefcase 11 dahil ito ang araw na pumanaw ang kanyang ama noong na­karaang taon. Naniniwala si Iza na mas mag­dadala ito sa kanya ng suwerte at mas ma­laking tsansa para makuha ang jackpot. Magtagumpay kaya siya? Si Iza na kaya ang pina­kaunang milyonaryong tatanghalin sa e­­dis­­yong ito?