Sid ug Bea friends na lang gyud

Manila, Philippines --- Suma pa ni Sid Lucero wala mahinayon ang panagbalik unta nila sa drummer sa bandang General Luna nga si Bea Lao. Nahisgutan kaniadto ni Bea nga gisuwayan nila ni Sid nga magbalik pero wala diay nagmalampuson. Pero friends matud pa sila karon. Apan suma pa ni Sid, dili una siya maghunahuna og lovelife kay mas busy siya karon sa afternoon drama nila ni Jennylyn Mercado nga Hindi Ka na Mag-iisa nga magsugod na karong Lunes.

Aljur ug Kylie nagbalik?

Wala na matud pa hatagig higayon ni Kylie Padilla nga magdahom ang mga lalaking nangulitawo karon niya. “Ayokong sayangin ang oras nila, kasi ayoko muna talaga. Ayoko silang paasahin. Hindi na ako masyado nagpapadala ngayon sa mga manliligaw kasi alam ko na kung paano pasayahin ang sarili ko,” nagkanayon ang anak ni Robin Padilla. Kaniadto niya pa, mura siyang naa sa Cloud Nine sa higayon nga may mga lalaki nga manguyab niya, ilabi na adtong nangulitawo niya si Aljur Abrenica. Taliwala niini, migawas ang taho nga nagbalik na sila ni Aljur ug may nakakita pa nila nga nag-holding hands sa studio sa Party Pilipinas adtong milabay nga semana.

Rocco nakugang  sa balita

Nakugang si Rocco Nacino sa nadunggan niyang taho nga matud pa gibasura na ang pelikulang Lam-Ang. “Hindi ko alam yan, pero ang alam ko po few weeks from now, magri-resume na kami ng shooting. “Tuluy na tuloy pa rin ang shooting eh. Nandito pa rin ang mga kalyo sa kamay ko dahil sa training ko. “Medyo na-hold lang kami dahil ang alam ko, merong isang eksena na kailangan ng fuel na wala pa dito sa Pilipinas. In-order pa raw iyun sa States, kaya may budget pa sila,” nagkatawang tsika ni Rocco. Ang latest mao nga musalmot na pud isip producer ang GMA Films nga mao mudumala sa promotions.