Joshua Dionesio mubalik sa ABS-CBN?

CEBU, Philippines - Sibaw karon ang taho nga mubalik na lang matud pa sa ABS-CBN si Joshua Dionesio kay feeling sa iyang kampo gipasagdan na siya sa GMA-7 human usab gibuak ang ilang loveteam ni Barbie Forteza. Gikasakit matud pa sa buot ni Joshua nga gibuwag sila ni Barbie ug wala siya’y proyekto sa network, samtang gipares na ngadto kang Elmo ang nahisgutang dalagita. Apan usa ka tinubdan miingon nga, wala matud pa pasagdi si Joshua sa network sanglit may Party Pilipinas matud pa kini, apan ang nahisgutan maoy mi-resign sa walay igong hinungdan.

Ang nahitabo ni male model ug male TV host

Nagkagubot ang mga “maya” (mga bayot nga nagpalaki-laki) ug mga balhibuon og baba sa tsika nga may one night stand nga nahitabo tali sa usa ka local male TV host ug male model.

Suma pa nga nagkauban si model ug host sa usa ka event sa kasikbit nga lalawigan sa Sugbo niining bag-o lang.

Sa gabii human sa event gikatahong nahitabo ang “krimen.”

“Nagka uban sila’g event sa (….) nya ni insist daw nis (….) nga silay mag roommates!!!,” nagkanayon ang tinubdan sa Banat News Hugyaw. Dugang pa sa tinubdan nga “one night stand” lang ang nahitabo tali ni model ug host.

Kinsa si TV host? Basta taod-taod na siya nga makita sa lokal nga telebisyon! Kinsa si model? Dili lumad sa Sugbo apan ania dinhi magtungha sa usa ka unibersidad nga dili kaayo mahal og bayad apan de kalidad ang edukasyon.