Kay Ang Damgo May Katumanan

CEBU, Philippines - Bata pa lamang siya, paborito na niya ang Visayan teleseries nga Milyonaryong Mini Siya ug Ako sa Kangitngit. Wala, damha nga dihang gihimo pagbalik sa ABS-CBN ang Mini, nahimo pa gayud siya nga co-director. Apan, dili sayon ug dili dali ang iyang pagsugod sa local nga telebisyon kaniadto.

Sais anyos pa lamang siya didto sa gipa-apil apil na siya sa iyang Lolo Jose Pesudas ug Auntie Perla Cagulada-Pesudas sa mga stage drama nga maoy uso kaniadto, nakasalmot siya og tulo ka stage drama ug nakasabot siya unsay acting. Didto pud siya nagsugod-sugod og tampo og mga eksena, sa iyang iyaan.

Pagka 1997, dihang nag-college na siya, nakalugar na siya og bisita sa mga taping sa mga teleserye sa ABS-CBN Cebu ug nakita na niya ang iyang mga idolo nga sila si Rowena Saberon, Gil Maningo ug daghan pa. Sanglit giganahan, miboluntaryo siya nga mag-extra, bisan og igo lang mu-agi aron makita sa camera. Hangtud nga mi-audition na gyud siya para sa Balud Ikaw, Gapnod Ako.

“Apil daw ko sa Top 10 nakapasar and they promised me na tawagan. Pero wa man ko tawagi intawon oi, pwerteng hulat nako. Then since active ko sa theatre in college, I submitted my scripts to ABS-CBN Cebu and with the help of Ms. Elaiza Garrido-Jordan, Ms Mae Salvador and Ms Trixie Lopez-Tolentino nadawat ko as co-writer sa For Life, then siguro nakita nila ang talent nako until they offered me to write na my own For Life episodes.

Lisud matud pa ang pagkinabuhi sa Manila nga siya ra’ng usa ug labaw na nga lisud sanglit dili man siya larino mu-tagalog, apan inanay na niya karong nakat-unan.

“Unang pagsalang nako as writer adtong teleseryeng “Alyna”. Mid story na ko nisulod adto kay ni-resign ang duha ka writers. As in gipasuwat dayon ko og script sa location mismo atubangan ni direk Cathy Garcia-Molina. Gihuwat niya ug nila mga artista ang script kay i-shoot na. Mura kog gibubuan og bugnaw nga tubig unya init na tubig nasad. Hahaha,” niya pa.

Apan namatud-an niya ang iyang katakus sa scriptwriting. Human sa Alyna, nahimo pud siya nga writer sa Angelito: Batang Ama. Karon sa umaabot nga Precious Hearts Romances Presents: Isla, starring Matteo Guidecelli, Jessy Mendiola, Matt Evans ug Jewel Mische, Senior Writer na siya. Ug sa umaabot pa nga teleserye, siya na maoy Head Writer.

BNH: Nganong nasulod ka isip director dinhi sa Sugbo ug karon writer diha sa Manila?

Jurey: Samtang nag-writer na ko sa mga teleserye sa ABS-CBN Cebu ni-eskwela/ni-workshop ko sa Manila. I passed on Ricky Lee’s Scriptwriting Workshop which gabyahe ko twice a week sa Manila for the workshop for two months, then nagworkshop kog directing sad under international mentors. I took also short courses in IAFT (Bigfoot). So when ABS-CBN Cebu gave their trust na kaya na nako mag-direct, I grabbed the chance. (Ryan Mark you were there adtong nagsugod ko as director!:D, 2009). Seventh year nako sa ABS-CBN Cebu I received an invitation sa akong friend/classmate sa workshop ni Ricky Lee na gusto ba daw ko mubalhin sa ABS-CBN Manila. He said na interested si Direk Lauren Dyogi na kuhaon ko sa team nila sa PBB. At first duha-duha ko kay di pa ko ready but nisugal na lang ko kay sayang ang chance. Then my first show was PBB Double Up, as Story Editor.

BNH: Pila ka bisaya nga soap ang imong nahimo diri sa Cebu?

Jurey:Daghan na since FOR LIFE series pa (2002), but for me mao ni mga projects na daku kayo kog na-invest na oras, talent ug effort : Bonding (since ako lang gyud ang nag-conceptualize adto); Milyonaryong Mini (remake from teleserye and movie, as writer/co-director), Amor-Chicko (‘coz collaboration with Manila creatives to nga project), Summer Sunshine (my directorial debut) and Saranghe.

BNH: Unsay imong paborito nilang tanan? O kun dili man, unsay labing halandumon ug ngano man?

Jurey: Saranghe was a dream project. Memorable because taas mig pinagsamahan just to create that show. Mas daghan kog nakailang mga wonderful and true friends thru the project like Ms. Margie Visitacion as one of my mentors. And of course, naka-travel ko ug nakabakasyon ko sa Korea tungod sa Saranghe.

BNH: Kinsay imong gipangandoy nga artista nga himuon nimong bida kun ugaling mamahimo ka nang direktor puhon ug ngano man? 

Jurey: Since medyo suod mi ni Toni Gonzaga or ni Shaina Magdayao, and John Lloyd Cruz, I want sana nga sila akong unang maka-work IF mag-direct na ko. But of course dream come true kung silang mga big stars (like Piolo, etc). Pero for me, mas okay baya sad nga as new director mag-groom sad kag new breed of talented stars. Good start gyud nga ingon ana para walay pressure. 

BNH: Kabahin sa unsa man ang maong pelikula?

Jurey:  Dream project naku, two different people nga magkrus ang ilang paths sa usa ka lugar (abroad) nga you can’t imagine ma-inlove sila sa usa’g-usa. Sample: Usa ka Cebuano/Bisaya ug usa ka Tausug/Muslim mag-meet sa usa ka bakasyon sa Austria or Korea or Greece. Falling in love mahitabo didto but before sila mouli ma-realize nila na they have different world na naghuwat. Disconnection. But reconnection after few years and both nana laing love of their life... (mga ingon ani lang gud nga stories...)

BNH: Unsay istorya aning Isla?

Jurey: Ang istorya sa Isla: duha ka tawo nga nag-abot ang ilang kapalaran sa usa ka isla. Si Yanie (Jessie) usa ka dalagang wa pay panahon mahigugma tungod kay giuna niya ang iyang pamilya ug ang ilang panginabuhian ug si Brennan (Mateo) usa ka anak og pinaka adunahang pamilya sa Manila ug bana sa usa ka successful businesswoman nga si Maegan (Jewel). Sila Brennan ug Meagan wa pay anak (though nakuhaan na si Maegan sa una) ug mao ni ilang dakung pangandoy, magka anak. Pero sa dihang nalunod ang barko nga sakyan nila Yanie ug Brennan, mapadpad sila sa isla. Didto mamugna ang bag-o nilang kalibutan hangtud mahigugma sila sa usag-usa. Karon, unsay nagpaabot sa ilang paghinigugmaay kung inig balik nila sa ilang mga pamilya human ma-rescue mahibaw-an ni Brennan nga— buntis na diay ang iyang asawa; ug si Yanie, ang iyang childhood lover na si Justin (Matt) na ang gisandigan sa iyang pamilya? Unsay iyang buhaton kung hasta si Yanie mabuntis sad? Kinsay ilang pilion?

BNH: Unsa para nimo ang meaning sa success?

Jurey: Successful ka kung ang mga tawong nagmahal nimo happy sila sa imong naabot sa kinabuhi. Successful ka kung kadtong mga tawo nga kuyog nimo sa una nga nagsugod ka pa lang or nag-ambisyon pa lang ka, naa gihapon sila karong naa na kay naabot. Successful kung makuha nimong mukatawa bisan naa sa imong atubangan ang mga butang nga nagpasubo nimo sa una. Ug successful ka kung malipayon na ka bisan naa pa sa imong atubangan ang mga tawong nagpahilak nimo sa una ug ang mga tawong ubos ang tan-aw nimo sa una.

BNH: Kung kaatubang nimo ang Ginoo unsay imong pangayuon niya? Ngano man?

Jurey: Kung kaatubang nako ang Ginoo, I would ask Him nga ihatag na ang akong true and great love. Hahahaha... Because sa kadaghan na sa mga love story and drama stories na akong nasuwat, including good lines sa dialog wala pa nako na-apply in real life. Hahaha... Para maiba naman, para ako naman ang bida sa sarili kong story... Pero mas pangayuon nako gyud good health and wealth sad uy. (BANAT NEWS)