BB makikipagtuos na kay Zoren

PIK: Pagkatapos ng The Good Daughter, balak ni Kylie Padilla na magbakasyon sa Australia sa kanyang Mommy na si Liezl Sicangco.

Ilang linggo siyang magbabakasyon doon kasama ang kanyang mga kapatid na nandun na rin lahat.

Ang usap-usapan nilang magkakapatid, pagbalik dito ni Kylie kasama na niya ang lahat na kapatid para dito na rin magbakasyon.

 Magpapalamig na rin si Kylie roon sa Australia na ang nabalitaan namin, matagal na silang hindi nag-uusap ni Aljur Abrenica.

PAK: Hindi natuloy si BB Gandanghari sa Paparazzi kahapon. Siya sana ang kapalit kina Ruffa Gutierrez at Mariel Rodriguez na nasa Amerika para sa international launch ng TV5 pero hindi ito natuloy.

Nag-confirm na si BB na sa darating na Sabado na siya magi-guest co-host sa Paparazzi at makakasama si Zoren Legazpi.

Pumayag na rin itong magkaroon sila ng one-on-one interview ni Zoren.

BOOM: Hindi pa nagsalita ang dalawang involved pero kinumpirma na rin naman nina Sen. Koko Pimentel at ng asawa nitong si Jewel Mae Lobaton na hiwalay na sila.

Sinubukan ng Startalk na kunan ng pahayag si Jewel Mae pero statement lang ang pinadala niya at sinabing walang third party sa hiwalayan nilang mag-asawa.

Noong una ay tumanggi siyang magsalita. “It’s been very tough emotionally and psychologically for me the past months, most especially these past days because more anything else, I am a mother to our two children who are minors (7 and 2 years old).

 “I have to protect their rights as children as they are also affected by all these.”

 1998 Binibining Pilipinas Miss Universe si Jewel Mae kaya may connection siya sa showbiz.