Albie gipareglahan sa barkada ni Andi

CEBU, Philippines - Gikatahong misangpot sa kagubot ang panagtagbo tali ni Albie Casiño ug sa mga higala sa kanhi niya karelasyon nga si Andi Eigenmann sa usa ka bar sa Makati City niadtong Biyernes sa gabii.

Matud pa sa inahan ni Albie nga si Rina Casiño, nagkaatubang ang iyang anak ug Andi niadtong higayona.

Nahitabo matud pa ang komprontasyon kung diin giyab-an matud pa ni Andi og bino ang aktor ug gisagpa.

Dugang pa ni Mrs. Casiño   nga gipili ni Albie nga mohawa sa venue aron dili moinit ang sitwasyon.

Apan misunod matud pa ang grupo ni Andi sa parking lot ug gihapak og botelya sa bino ang ulo ni Albie. Miresponde dayon ang bouncer sa bar aron mahunong ang komosyon.

Matud pa ni Mrs. Casiño nga ang mga higala ni Andi nga nangulata sa iyang anak mao sila si Frank Magalona, Carlos Concepcion, certain Lacson ug usa ka tawo nga nailhan sa ngalan nga Arce. Si Albie maoy amahan sa anak ni Andi nga si Adrianna Gabrielle.

Kasamtangang gipa-pahuway karon si Albie human kini gipaubos sa CT scan ug uban pa nga medical tests sa Makati Medical Center.

Ang pamilya ni Albie nagplano nga pasakaan og kaso ang mga tawo nga nangdagmal sa iyang anak.

Barbie dili makauban sa US

Dili makauban ang Tween Queen nga si Barbie Forteza sa pagtikang sa cast sa The Road sa Amerika alang sa pagpasalida sa maong pelikula sa U.S. karong May 11. Usa ka minor si Barbie hinungdan nga daghan pa og papeles nga kinahanglanon kung molarga siya sa Amerika.

Mariz angayan sabton

Malipayon si Mrs. Arlene Raneses,   inahan sa kasamtangang housemate sa Pinoy Big Brother Teen Edition nga si Mariz Raneses gumikan kay kabalo na mosabay ang iyang anak sa ubang housemates . Tsika pa ni Arlene dinhi sa Banat News Hugyaw nga sabton lang unta ang batasan ni Mariz kung dunay panahon nga mogawas ang pagkahilomon niini sulod sa balay ni Kuya sanglit usa ka mauwawon nga tawo ang iyang anak.

Wako Wako nalupigan ni Alice

Base sa resulta sa survey nga gihimo sa AGB Nielsen Phls sa Mega Manila niadtong Huwebes, pabilin nga nag-una sa iyang timeslot ang Alice Bungisngis and Her Wonder Walis kung diin nakakuha kini og 6.4% samtang ang Wako Wako sa ABS-CBN nakaangkon lang og 3.8 %.

Viva Hot Babes banhawon

Tsika pa ni Maui Taylor nga nag-plano ang TV 5 nga banhawon ang grupo niya kaniadto nga Viva Hot Babes. Bukas si Maui niini apan kinahanglan pa niya kuhaon ang tubag sa iyang mga kauban.

Kuya Kim ug Melai nag-uban sa Bangkok

Makita na karong buntaga ang Bangkok adventure nila ni Kuya Kim Atienza ug Melai Cantiveros ug parte kini sa 4th anniversary celebration sa programang “Matanglawin”. Duawon sa duha ang mga dagkong elepante sa maong dapit. (Sanden J. Anadia)

Jen umaabot nga first lady sa Lipa?

Nalisang pag-ayo si Jennylyn Mercado gumikan kay basin siya maoy mahimong first lady sa Lipa City kung modayon pagdagan pagka-mayor sa maong dapit ang iyang uyab nga si Luis Manzano.

Daniel gitambagan ni Robin

Gipasigarbo pag-ayo ni Robin Padilla ang nagkasikat niya nga pag-umangkon nga si Daniel Padilla ug iya kini nga gitambagan nga dili gyud angayan mag-usab sa batasan.

Rufa Mae mobalhin sa Singko?

Daghan ang nagtoo nga mobalhin gyud si Rufa Mae Quinto gumikan sa iyang mensahe nga nagkanayon ,"See you here, there, and everywhere.”

Ai Ai gisapot sa bodyguard

Gikumpirmar ni Ai Ai Delas Alas nga mi-walk out siya og pipila ka minutos sa “ meet-and-greet” sa successful concert nila ni Pops Fernandez ug Martin Nievera sa Atlantic City sa miaging semana human wala pasudla sa American bodyguard ang iyang boyfriend nga si Jed Alvin Salang.

Nagtingog na!

Si Sharon Cuneta maoy miduol sa iyang iyaan nga si Helen Gamboa hinungdan nga nagkauli na ang duha ka kampo.

Jessy adunay pelikula

Human sa malampusong teleserye nga "Sabel" ug "Budoy,", hatagan si Jessy Mendiola og big project sa Star Cinema pinaagi sa usa ka pelikula kung diin siya mismo ang main star.

Panawagan ni Coco

Nanawagan si Coco Martin ngadto sa iyang fans nga suportahan ang pelikula nila ni Angeline Quinto nga “Born to Love You” sama sa suporta nga iyang nadawat sa gibidahan niya nga 20 ka independent films kaniadto.

Cristine vs. Sarah part 2?

Gipadayag ni Cristine Reyes ngadto sa Yes! Magazine nga dunay naganahan nga laing lalaki si Sarah Geronimo sa wala pa nauyab niini si Rayver Cruz.

Alden miliko-liko sa istorya

Nakadawat og daghang pagsaway si Alden Richards gumikan sa iyang mensahe nga matud pa nga nahibulong siya nga na-link ang iyang pangalan kang Sarah Lahbati nga kung buot huna-hunaon, miangkon siya kaniadto nga nanguyab siya sa aktres.