Victory party

CEBU, Philippines - Nag-victory party kagabii ang Viva Films sa usa ka Chinese restaurant sa Quezon City gumikan sa box-office success sa Moron 5 and The Crying Lady.

Lolit palargahon ni Krista sa Amerika

Dunay offer sa ako si Krista Ranillo nga duawon nako sila ug sa iyang mister nga si Nino Lim sa Amerika.

Wala man gud ko makatambong sa 1st birthday celebration sa kinamaguwangan nga anak nila ni Krista ug Nino niadtong Easter Sunday hinungdan nga nag-offer siya nga moduaw ko niya basta iyaha na nga ihimugso ang iyang second baby.

Wala nako dawata ang tanyag ni Krista nga mubiyahe sa U.S. gumikan kay gitapol pako nga mobiyahe sa ubang nasud.

Samot na nga wala sa akong vocabulary nga mobiyahe gikan sa April 12 hangtud sa April 16 gumikan kay wala nako gipangandoy nga masugatan sa akong sakyan nga eroplano ang rocket nga gipalupad sa North Korea.

WilTime Bigtime adunay US Tour

Duna pu’y offer sa akoa si Willie Revillame nga mokuyog sa U.S. tour sa WilTime Bigtime sunod buwan.

Duha ka U.S.. cities ang adtoon sa grupo ni Willie, ang Los Angeles ug San Francisco. As usual, wala gihapon ko maka-decide kung modawat ba ko sa imbitasyon ni Willie gumikan kay kung mokuyog ko, mapugos ko sa pag-absent sa Startalk. Dili ko komportable kung dili ko makatikang sa Startalk gumikan kay dili ko ganahan nga makaltasan ang akong suweldo, bisan pa man nga moana si Willie nga abonohan niya ang akong talent fee.

Transgender dili makalusot sa Bb. Pilipinas

Dili ko motoo nga makaapil sa Bb. Pilipinas Contest ang mga Pinoy transgender nga nangandoy nga moapil sa Miss Universe.

Hanap nga matuman ang ilang pangandoy gumikan kay dili sila makalusot ni Madam Stella Marquez de Araneta. Sa screening pa lang, siguradong madi-disqualify ang mga transgender nga nagtoo nga duna sila’y katungod nga makasalmot sa Miss Universe.

Tinoud nga dunay Bb. Pilipinas candidates nga masaypan nga transgender gumikan sa ilang masculine features apan dili mahitabo nga transgender ang mahimong representante sa Pilipinas sa mga international beauty contest.Dili diskriminasyon ang tawag niini sanglit igo lang nga nagpakita sa ilang pagkamatinud-anon ang organizer sa Bb. Pilipinas Contest.