Annabelle nagdamgo sa iyang kontra

Manila, Philippines ---- Hasta sa damgo, gisundan si Annabelle Rama sa iyang mga kontra. Perteng katawa nako sa tsika ni Bisaya nga dunay higayon nga nakalimot siya’g pangadyi sa dayon na niyang katulog hinungdan nga bati kaayo ang iyang gidamgo.

Usa ka babaye nga abogada ang bida sa iyang damgo apan nagdumili siya sa pagbutyag niini. Gibasol ni Annabelle sa iyang kaugalingon nganong nakalimot siya og ampo, nagdamgo na hinuon siya og ngil-ad.

Proud to be Pinoy

Si kanhi Manila Mayor Lito Atienza ang nilingkod sa witness stand sa nagpadayon nga impeachment trial ni Chief Justice Renato Corona.

Taud-taud na nga nag-alagad si Atienza sa Manila busa mayor gihapon ang pag-introduce kaniya ni Senate President ug Presiding Judge Juan Ponce Enrile.

Giingong daghan ang nalipay nga viewers sa live coverage kagahapon sa impeachment trial gumikan kay migamit og pinulungang Pilipino si Atienza.

Tweet ni Sharon nag-atubang og reaksyon

Dunay mga violent reaction sa mga tweet ni Sharon Cuneta batok sa mga fans nga misamok-samok kaniya sa Twitter.

Dunay nag-react nga matud pa anti-gay si Sharon.

"Ano ba raw ang masama sa pagiging gay?, nagkanayon ang usa ka reaksyon.

Apan ako nagtuo nga wala lamang masabti si Sharon sa uban kay dili man kini anti-gay.

Gani malipayon man siya kauban ang mga gay ug daghan siya og gay friends.

Grace: PNoy workaholic!

May mga nakalitok og hmp sa dialog ni Grace Lee nga workaholic si PNoy, ilabi na nga gikubit na sa international news ang pulong nga Noynoying.

Nakatabang gyud kang Grace ang iyang pagkalambigit kang Noynoy gumikan kay kanunay hasta ang iyang mga pamahayag sakyan na sa publiko.

Gibiyaan ni Grace ang radio station aron makalikay sa intriga apan wala gihapon siya lung-i niini.