Lovi ug Singson nag-date sa Cebu?

CEBU, Philippines - Giangkon ni Lovi Poe nga mibisita siya sa usa ka resort dinhi sa Sugbo kauban ang iyang ex-boyfriend nga si Ronald Singson. Rason niya, pabilin gihapon ang ilang panaghigalaay. Suma pa niya, dili sa una siya makigrelasyon sanglit ipunting niya iyang atensyon sa iyang showbiz career.

Mike Tan’s Time To Shine

Giangkon ni Mike Tan nga nasorpresa siya sa dagan sa iyang career diin sexy ug talented actress na ang iyang mga partner. Una niyang nakauban si Carla Abellana sa soap nga Kung Aagawin Mo Man Ang Langit. Karon si Lovi ang iyang katrabaho sa Legacy.

Baron miangkong miinom na pud

Tinuod matud pa nga nakit-an si Baron Geisler nga nag-inom sa usa ka bar niining bag-o lang. Apan pasalig niya nga may limitasyon na siya ug self-control. Kahinumduman nga mga unom ka bulan nga nawala si Baron sa showbiz sanglit mipailawom siya og rehabilitation gumikan sa iyang pagka alcoholic.

Iwa saw-on sa Wil Time

Gitino ni Iwa Moto nga wala napupos na ang iyang kontrata sa GMA Network. Kahinumduman nga milugwa si Iwa sa Wil Time Bigtime sa TV5 isip co-host, apan misuwat ang GMA-7 ngadto sa TV5 ug nagpahibawo nga may kontrata pa si Iwa nga natapos adtong March 12. Giingnan hinuon matud pa siya sa mga taga Wil Time nga mahimo siyang mubalik as soon as possible.

Eugene makigtigi sa Poland ug Argentina

Makigtigi ang pelikulang Ang Babae Sa Septic Tank sa Buenos Aires, Argentina (April 11-22) ug Krakow, Poland (April 17-22), sa premyo nga mukabat ngadto sa $100,000. Samtang may DVD copy na ang nahisgutang pelikula nga gimugna sa Star Home Video.

Frencheska tigsawo ni Karylle

Si Karylle gyud diay ang unang gitanyagan nga mamahimong leading lady ni Rocco Nacino sa period movie Lam-Ang. Apan mibalibad ang nahisgutan kay maapektuhan niini ang iyang regular show It’s Showtime sa ABS-CBN. Si Frencheska Farr nga nahimong bida sa Emir maoy gihulip kang Karylle. Suma pa nga ang anak ni Zsa Zsa Padilla mao pud diay ang unang gitanyagan sa Emir.

Regalo ni Dingdong kang Karylle gikawat?

Samtang nawagtang ang iro nga Shih Tzu ni Karylle. Tulo na matud pa kini ka adlaw nga wala na igkita didto sa iyang pinuy-anan didto sa San Juan, City. Gumikan niini nanawagan si Karylle alang sa makauli niining maong iro nga iyang gantihan og P10, 000 cash. Pangutana karon kun mao ba kining iroa ang giregalo sa iyang ex-boyfriend nga si Dingdong Dantes.