Roman at Shalani may pre-wedding reception na!

SEEN: Nagkaroon ng pre-wedding reception nina Congressman Roman Romulo at Shalani Soledad sa Manila Polo Club noong Martes ng gabi.

Imbitado sa pre-wedding reception ang mga bisita na hindi makakadalo sa church wedding nina Congressman Romulo at Shalani sa St. Benedict Church, Ayala Westgrove sa Jan. 22.

SCENE: Kailangan nang magpa-schedule ni Richard Gomez sa Belo Medical Clinic upang mawala ang kanyang sagging jowls na kitang-kita sa mga eksena niya sa Walang Hanggan.

SEEN: Ang House Representative Neil Tupas ay nasa isang gym kahapon.

 Nagpapawis ng husto ang lead prosecutor sa impeachment trial ni Chief Justice Renato Corona.

Umani ng batikos si Congressman Tupas dahil sa kanyang madrama na opening statement sa unang araw ng impeachment trial.

SCENE: Ang mahigpit na security sa shooting kahapon ng Bourne Legacy sa Remedios Circle, Malate, Manila.

SEEN: Hindi tumitigil si Floyd Mayweather, Jr. sa pang-iinsulto kay Congressman Manny Pacquiao sa Twitter:

“January 16th was Dr. Martin Luther King Birthday January 17th is Muhammad Ali Birthday and May 5th is Pacquiao a*s whooping day.”

SCENE: Walang pakialamanan ang pabirong sagot ni Regine Velasquez sa reporter na nangumusta sa sex life nila ni Ogie Alcasid.

SEEN: Ang presscon ng Mr. & Mrs. A ang kauna-una­hang press conference na pinuntahan ni Nate, ang anak nina Regine at Ogie.

Dinala ng mag-asawa ang bata sa presscon kahapon ng kanilang Valentine show.

Na-appreciate ng press ang ginawa nina Regine at Ogie.

SCENE: Pilot telecast sa Feb. 20 ng Nandito Ako, ang mini-serye ng TV5 na tinatampukan nina David Archuleta, Eula Caballero, at Jasmine Curtis Smith.

Magkakaroon ng presscon ang Nandito Ako bago bumalik si David sa Amerika.