Apat na grand finalists sa PGT hinihintay na ng sambayanan

MANILA, Philippines - Nasa ikalimang linggo na ng semi-finals ang nangungunang talent-reality show na Pilipinas Got Talent at hinihintay na nga ng sambayanan ang apat pang finalists na kukumpleto sa twelve official grand finalists para sa edisyong ito. Pasok na nga ang El Gamma Penumbra, Lucky Twins, Sandugo Band, Muriel Lomadilla, Bringas Brothers, Synergy, Loverkada Kids, at Twin Divas. Magtutunggali naman para sa linggong ito ang Philippine Dubstep, si Renagine Pepito, Wushu Discovery, Maasinhon Trio, Negros Dance Superstar, at si Jeziel Dimagna-Ong. Sino kaya sa kanila ang papasok sa grand finals? Noong Sabado, pumalo ang PGT 17.2% sa TV ratings nang buong bansa. Panalo rin ito noong Linggo ng mag-rate ito ng 23% buong bansa ayon sa Kantar Media/TNS.