"Kuya Nikos" di na kapugngan

CEBU, Philippines -  Ice cream ang bag-ong commercial ni Neil Coleta o mas naila isip ‘Kuya Nikos” sa Nestea ad. Gitakda siya nga malakip sa usa ka youth-oriented series sa ABS-CBN (Good Vibes?) diin mag-taping na siya sa ikatulong semana niining buwan. Sa samang higayon apil pud siya sa teleserye sa ABS-CBN nga isalida karong buwana (Maria La del Barrio?).

“Huling Sayaw” ni Aga

May 11, 2011 ang gikatahong playdate sa “Huling Sayaw” nila ni Angel Locsin ug Aga Muhlach. Mao pud ni ang “huling” pelikula ni Aga sa Star Cinema human siya hingpit na nga mipirma og three-year exclusive contract sa TV5.

Angel nangandam na para sa Indonesia

Karon nga naghinapos na ang Imortal (April 20, mahuman) gitun-an na karon ni Angel Locsin ang script alang sa usa ka horror movie nga iyang himuon didto sa Indonesia karong umaabot nga Hulyo karong tuiga.

Mga exes ni Ruffa

Gihinabi ni Ruffa Gutierrez ang iyang kanhi mga uyab nga si Aga Muhlach ug Robin Padilla alang sa anniversary special sa Paparazzi ugma puhon sa hapon sa TV5.

Intriga ra

Gihimakak ni John Estrada ang balita nga mihulga siya nga mu-resign sa Happy Yipee Yehey tungod matud pa sa kagamay ra nila og rating ug mibahad pa nga mubalik na lang sa TV5. Matud ni John, basta punuan nga inanay na nga namunga, batuon gyud og intriga aron mapukan.

Gisigihan og sungog

Napuno sa sungog si Michelle Madrigal kagahapon tungod kay sila maoy magka-eksena sa iyang ex-boyfriend nga si John Hall sa taping sa pantaserye nga ‘Captain Barbell.”

Diego sa Mara Clara

Karong Lunes na mugawas sa Mara Clara si Diego, ang anak nila ni Teresa Loyzaga ug Cesar Montano. Giingong siya maoy pares ni Clara (Julia Montes), pero sa nanggawas nga mga hulagway online, sila si Mara (Katryn Bernardo) ang nagkakita.

Pacman, Azkals “Game” Na!

Sila si Fighter of the Decade Rep. Manny Pacquiao ug ang banggiitang Philippine Azkals maoy pambato sa sports-oriented program GAME, sa GMA News TV ugma puhon alas singko sa hapon. Tukion ni Pacman ang tanang mga isyu nga naglambigit niya niining milabay nga mga adlaw, gikan sa kontrobersiya sa twitter account, sa iyang trabaho isip kongresista ngadto na sa umaabot nga away nila ni Shane Mosley. Makauban usab sa mga hosts nga sila si Reeman Changco ug Chino Trinidad si Azlas coach Dan Palami.

Bea-Vic movie nahuman na

Nag-last taping day na si Vic Sotto kagahapon para sa movie niya sa Star Cinema. Giluohan og PAK! PAK! MY DR. KWAK, si Bea Alonzo ang leading lady ni Bossing ug karong buwana kini isalida sa mga sinehan lukop nasud.

Siguradong mubalik

Mawala sa Pilipinas si Daiana Menezes og 12 ka adlaw sa Pilipinas tungod kay bisitahon niya ang iyang pamilya sa Brazil nga tulo na ka tuig nga wala niya makauban ug makita. Giklaro niya nga mubalik gyud siya aron ipadayon ang iyang showbiz career.

Thia out na sa AI

Taktak na ang bugtong Pinay ug labing bata nga contestant sa American Idol nga si Thia Megia. Siya ug si Naima Adedapo ang natagak tungod kay silang duha ang dunay labing ubos og text votes, diin duha pud ang gitangtang sanglit wala may nag-goodbye sa milabay nga semana. (BANAT NEWS)