Going for the Bigtime!
Name: April Jane Panugaling
Nickname: April
Age: 18
Birthday: April 15, 1993
Nationality: Filipino
Weight: 50 kg.
Height: 5’6
Vital Statistics: 32-26-34
CEBU, Philippines - Nagpanikad na ang garbo sa Talisay City nga si April Jane Panugaling, 18, alang sa umaabot nga Miss Slimmers World Bikini Philippines 2011 nga ipahigayon sa New Port Resorts World karong Abril 12.
Milarga na si April sa Manila niadtong Sabado ug gipadayag niya nga andam na siya sa talent night ugma sa gabii.
Indian dance ang iyang pambato, diin asoy pa niya ganahan na gyud siya musayaw sukad pa sa elementary days niya.
Kasamtangang nagtungha si April sa kursong Bachelor of Science in Nursing sa University of San Jose Recoletos.
Dili na bag-o alang kaniya ang pagrampa sa entablado gumikan kay siya maoy nahimong 1st Runner-Up sa USJR-Nursing Next Top Model 2010.
Ang maong indigay maoy nahimong tulay nganong nakasalmot siya sa Miss Bikini 2011.
“Pag-apil nako sa USJR-Next Top kay dunay niduol nako nga tawo ug nangutana kung intresado ba kuno ko moapil og Miss Bikini. Nakadungog naman ko nga nindot daw na nga pageant maong nagpa-audition ko,” saysay pa ni April sa Banat News Hugyaw.
Preparado na si April sa maong indigay, gani nagsugod na siya pag-diet aron mopatigbabaw gyud ang nindot nga porma sa iyang lawas.
“Almost three weeks nako nga wala mokaon og rice. Fruits ug vegetables ra gyud ang kasagaran nako nga kan-on,” niya pa.
Giangkon hinuon niya nga mokaon siya og karne panagsa sanglit mao kini an tinubdan sa kabaskog sa lawas aron dili dayon siya maluya.
Ang kanunay usab nga pag-inom og tubig maoy iyang sekreto sa hamis niya nga pamanit.
Moabot ngadto sa 26 ka mga kandidata ang magtigi sa maong indigay busa todo karon ang gibuhat niya nga preparasyon.
“Importante kaayo nga duna ta’y salig sa atong kaugalingon ug kinahanglan mag-ampo gyud ta permi,” hirit pa ni April.
Malaumon si April nga mohatag og todo nga suporta ang mga Sugbuanon kaniya atol sa coronation night sunod bulan. (BANAT NEWS)
- Latest
