Nadia Montenegro napungot ni Alex Gonzaga!

CEBU, Philippines - Gisapot diay si Nadia Montenegro kang Alex Gonzaga, usa sa mga hosts sa Juicy sa TV 5. Kini kay matud pa gitawag ni Alex og pangit ang usa sa mga anak ni Nadia.

Ang kolumnista sa Pilipino Star Ngayon nga si Nitz Miralles, usa sa nakadawat og text message gikan kang Nadia, ang susamang mensahe nga iyang gipada ngadto kang Alex gahapon. Gipadad-an pud ni Nadia sa maong mensahe si Annabelle Rama, Annabelle Rama, Percy Intalan, Noel Ferrer, EP Nelson, Moe t. ug Jun Lalin: “Alex Gonzaga, dis is Nadia , Anyka n Alyanas mom. My daughters r 14 n 16 yrs old. I have taught them to be respectful to all n to have gud manners,” unang bahin sa mensahe ni Nadia.

Gipadayag ni Nadia ngadto kang Alex nga ikahimuot niya kun muhunong na si Alex og panaway sa iyang mga anak.

Suma pa ni Nadia, gipalabay lang niya kadto nga mikomentaryo si Alex nga “Camel Toe” si Yana pipila na ka buwan ang milabay. Pero kagahapon, gitawag matud pa ni Alex si Yana og “pangit.”

“Magaling nga sumayaw ang panget-panget naman,” nagkanayon matud pa si Alex sa Juicy. 

Padayon ni Nadia, “May ginawa ba mga anak ko syo? Keep away frm them pls. Its nt a warning, it’s a request frm a mother protecting my children like u. They love u pa naman n luk up to u bt u hurt them. My children r educated. Nxt tym f u have issues w them cnfrnt me. They r minors. Stop insulting ppol coz ur nt perfect urself.” 

Mariel kutuon?

Napatik sa www.stir.ph kagahapon nga matud pa nagpadala og text message si Liezel Sicangco gikan sa Australia ug mireklamo nga matud pa, gikuto ug gilusa ang iyang anak nga si Ali, samtang ubos pa sa pag-atiman ni Robin Padilla dinhi sa Pilipinas.

Suma pa nga gipaningkamutan ni Liezel nga mawagtang ang mga kuto ug lusa ni Ali tungod kay dili kini dawaton sa tunghaan nga buot patunghaan sa inahan niini.

Mipa-ukyab si Liezel nga suod ni Robin ang tawo nga nakatakod ni Ali og kuto. Kinsa man?

Samtang Ali ang gigamit nga spelling ni Liezel, dili Allih o Alih.

Tungod sa lamok, Akihiro gi-operahan

Gi-operahan gyud diay ang liog ni Akihiro Sato, tungod sa pinaakan sa lamok. Si Akihiro, matud pa ni Nitz Miralles, kolumnista sa Pilipino Star Ngayon, ang Brazilian-Japanese Survivor celebrity castaway, maoy labing daghan og pinaakan sa lamok didto sa Thailand, atol sa ilang taping. Hasta ang pinaakan sa iyang tuhod gi-operahan pud, tungod kay na-infection. Ang GMA-7 maoy mi-abaga sa gasto.

Mamaak, mangitlog pa gyud!

Tsika ni Solenn Heussaff, ngadto kang Pilipino Star Ngayon columnist Nitz Miralles, dili kay mamaak lang ang mga lamok didto sa Thailand, mangitlog pa gyud kini sa mismong samad sa pinaakan, hinungdan nga doble ang ilang pag-antos. Green matud pa ang color sa maong mga lamok, nga dili gyud basta-basta nga mamatay---kinahanglan gyud nga irukon og maayo.

Buwag kaha?

Break na matud pa sila si Rhian Ramos ug Mo Twister, pero matud pa ni Nitz Miralles, kolumnista sa Pilipino Star Ngayon, matag higayon nga pangutan-on ang duruha, mudali kini’g ingon unsaon man nila pagbuwag nga wala man sila magkauyab. Pero kung tinuod man gani matud pa nga buwag na gyud sila, nagpabilin silang maayong managhigala, basi sa ilang tinubagay pinaagi sa Twitter. (BANATSHOWBIZ)