Major, major usung-uso! Venus vindicated

Seen : Ang interbyu kay Vice Mayor Isko Moreno ng CNN habang nagaganap ang hostage-taking situation sa Maynila noong Lunes. Maayos na nasagot ni Vice Mayor Moreno ang mga katanungan ng CNN anchor.

Scene : Ang interbyu kahapon ni Gigi Grande ng ANC kay Vice Mayor Moreno. Napangiti si Gigi sa sinabi ni Vice Mayor Moreno na parang Hekel Jekel si Police Inspector Gregorio Mendoza dahil biglang nagbago ang attitude nito. Si Dr. Jekyll and Mr. Hyde ang ibig tukuyin ng bise-alkalde ng Maynila.

Seen : Vindicated si Venus Raj dahil 4th runner-up siya sa Miss Universe 2010. Muntik nang hindi makasali si Venus sa Miss Universe dahil sa problema sa kanyang citizenship.

Scene : Bukambibig ngayon ng mga Pilipino ang salitang “major, major” dahil sa sagot ni Venus sa question and answer portion ng Miss Universe. “The show was without any major gaffes, except for Miss Philippines’ answer when asked what her biggest mistake in life was and how she fixed,” ang report ng Yahoo.

Seen : Delayed ang telecast ng ABS-CBN sa Miss Universe. Nagsimula ng eksaktong 9:00 a.m. sa Star World ang live telecast at halos 10:00 a.m. nang mag-air sa ABS-CBN ang show. 

SCENE : Dancer ang role ni Aga Muhlach sa Huling Sayaw. Iba’t ibang klase ng sayaw ang ipapakita ni Aga sa pelikula nila ni Angel Locsin. 

Seen : Bawal tanungin si Ervic Vijandre tungkol kay Ma-rian Rivera sa mga TV guesting ng mga castaway ng Survivor Philippines. Si Ervic ang ex-boyfriend ni Marian.

Scene : Payag si Richard Gutierrez na maulit ang kanyang mga karanasan sa Survivor Philippines dahil sa mga natutuhan niya.