Usapang June Bride sa Life and Style
MANILA, Philippines - Pangarap ng maraming babae ang ikasal sa buwan ng June dahil sa kapaniwalaang ang ikaanim na buwan ng tao’y nagbibigay ng ligaya, tagumpay at katiwasayan para sa bride at kanyang benedict.
Sa Life and Style with Gandang Ricky Reyes, ngayong Linggo alas-diyes ng umaga sa Q11 ay may regalo para sa mga June Bride. Ito ay isang stress-free preparation para sa kasalan.
“Masuwerte nga ang mga gustong magpakasal ngayon dahil maaari silang kumuha ng mga wedding planner na tutulong sa pagkuha ng iskedyul ng simbahan, magdidisenyo ng mga damit-pangkasal, pagdarausan ng reception, caterer, flower arranger, aawit sa kasal at tutugtog sa kainan. Pati na gagawa ng cake at souvenir items hanggang mag-aayos ng romantikong lugar dito o sa ibang bansa para sa honeymoon. Kaya ang ikakasal, ’di magmumukhang ngarag sa dakilang araw ng pagharap nila sa altar,” sabi ng LSWGRR host-producer na si Mader Ricky.
Tampok din sa programa ang psychic na si Stargazer.
Abangan din ang mga segment sa show na Great Hair Day ni Mader RR at ang Gandang Body ni Regine Tolentino.
- Latest