AlKris buwagon na sa GMA-7?

CEBU, Philippines - Naglanog karon ang tsika nga buwagon na sa GMA-7 ang AlKris. Suma pa nga ipares una sila og lain, human sa ilang primetime project nga The Last Prince sa GMA-7.

Dunay mga nakadayeg sa maong hukom sa GMA-7, tungod kay matud pa makaayo kini para nila ni Aljur Abrenica ug Kris Bernal, aron dili mapul-an ang ilang mga fans sa ilang panagpares.

Pero duna puy nabalaka nga basin og dili na musikat ang duruha kung lain-lain na sila og partners.

I Love You Babe, April 2

April 2 ang target playdate sa pelikulang I Love You Babe starring Sam Milby ug Anne Curtis under Star Cinema.

Dongyan Pictorial

Karong adlawa na ipahigayon ang pictorial nila ni Dingdong Dantes ug Marian Rivera para sa ilang pelikula. Isunod gilayon ang shooting para sa movie trailer.

Paolo, Under Investigation

U.S.I (Usisero or Under Investigation) ang title sa unang show ni Paolo Bediones sa TV 5, nga magsugod sunod semana.

Offer ni Ruffa dili kabalibaran

Giklaro ni Annabelle Rama nga wala pay kontrata nga gipirmahan si Ruffa Gutierrez sa TV 5, pero ang offer, labihan ka dako nga dili gyud mabalibaran ug dili matupngan sa ubang network.