Bianca King may patama sa starlet

Seen : Malamya at kumukulot ang boses ni Marvin Agustin sa kanyang bagong TV commer­cial. Hindi nabantayan ang kanyang dubbing.

Scene : Walang umaamin kung sino ang nag­labas ng mga gamit ni Bianca King mula sa tent na pinagsasaluhan nila ni Krista Ranillo sa set ng Wapakman. Itinatanggi ng kampo ni Krista ang mga tsismis tungkol sa kanila ni Manny Pacquiao. Madali rin i-deny ang naglabas ng gamit ni Bianca mula sa tent.

Seen : Pinag-uusapan na walang natanggap na mana si Sharon Cuneta mula sa kanyang namatay na ama. Magiging malaki pa ang isyu dahil ito ang itatanong kay Sharon sa presscon ng kanyang filmfest movie. Mano Po 6 ang pamagat ng pelikula, hindi Mana Po 6.

Scene : Humingi ng pointers si Regine Velas­quez kina Pauleen Luna at Glaiza de Castro dahil sa kanyang kontrabida role sa Darna. Minsan nang naging kontrabida noon si Regine sa buhay ni Michelle Van Eimeren.

Seen : Ang maging artista ang secret wish ni Jed Madela.

Scene : Nakakapag-Internet na si Dr. Hayden Kho, Jr. sa kanyang hospital bed. Updated na siya sa mga reaksiyon at opinyon tungkol sa kanyang alleged suicide attempt.

Seen : Ang Twitter post ni Bianca King na pinaghihinalaan na patama sa isang sexy star : “I  wonder what feels worse, to be accused of being a gold digging home wrecker or have ppl see you doing the nasty w/someone else’s guy.”

Scene : Humihirit ang mga Pilipino na idaos sa Pilipinas ang laban nina Manny Pacquiao at Floyd Mayweather, Jr. sa March 13, 2010.