Bugoy, Rocksteddy paiingayin ang Seasportsfest

MANILA, Philippines - Ang nagwaging Pinoy Pop Superstar na si Maricris Garcia, kasama ni Bugoy Drilon ng Pinoy Dream Academy at ang bandang Rocksteddy ay magtatanghal sa awarding ng Manila Bay Summer Seasports Festival, na gaganapin sa ika-29 ng Marso, alas-siyete ng gabi sa harap ng Rajah Sulayman Park sa Baywalk, Roxas Boulevard.

Handog ng Manila Broadcasting Company at ng Lungsod ng Maynila, sa pakikipagtulungan ng Philippine Coast Guard, ang Manila Bay Summer Seasports Festival ay magsasagawa ng mga labanan sa Dragon Boat Racing at stock/formula races ng mga bangkang de-motor.

Inaasahan namang lalaban sa kampeonato ng mga bangkang de-motor ang batikang mga bangkero mula Batangas, Cavite, La Union, Pangasinan, Mindoro, Iloilo, Aklan, and Dipolog, kasama ng mga piloto ng bangkang “Storm” at “Joan” na nagsipagwagi noong 2008.