Angel nasapawan

SEEN : Overkill na ang paulit-ulit na pagpapalabas sa Velvet Channel ng pagdalo ni Charo Santos-Concio sa Oscar Awards.

Magandang panoorin ang short feature kung ipinakita ang ABS-CBN president na naglalakad sa red carpet ng Kodak Theater at kahalubilo ng mga Hollywood stars.

SCENE : Nasapawan ng acting ni Dimples Romana ang acting ni Angel Locsin sa episode ng Maalaala Mo Kaya noong Sabado.

Isa si Dimples sa mga gumagaling na young character actress.

SEEN : Extended ang Pieta hanggang April. Pasok sa Mahal na Araw ang afternoon show nina Ryan Agoncillo at Cherie Gil.

SCENE : Si Assunta de Rossi ang karagdagan sa cast ng Pieta na programa ng ABS-CBN na pag-aari ni Gabby Lopez.

Si Assunta na paulit-ulit na nagsabi noon ng “Gabby Lopez killed my career.”

SEEN : Nag-deny si Jimmy Bondoc na nabenta na ang lupa sa Boracay na binili nila ni Nina.

Natakot si Jimmy na itsismis siya ni Nina tulad nang ginawa nito sa ex-bf na si Nyoy Volante.

SCENE : Ang balita na kanselado na ang Missing You concert series nina Pops Fernandez at Martin Nievera dahil hindi na naman sila magkasundo.

May matinding tampuhan din si Pops at ang kanyang boyfriend na si Jomari Yllana, ang co-producer ng Missing You.

SEEN : May mga pirated copies na ang You Changed My Life ngunit malabo ang DVD copy na kuha mula sa sinehan at ipinagbibili sa halagang P50.