Vicki Belo molugwa sa Showbiz Central

Suod nga managhigala sila si Dr. Vicki Belo ug DJ Mo Twister hinungdan nga wala gyud magduha-duha ang naha-una nga magpa-interview live kang Mo sa segment nga “Gimme Mo” sa Showbiz Central karong hapon aron hisgutan ang kontrobersyal nga panagbuwag nila niadto ni Dr. Hayden Kho.  

Saktong ehersisyo maoy nakapanindot sa lawas ni Bebe Gandanghari

Sangko sa langit ang kalipay ug pasalamat karon ni Bebe Gandang Hari sa iyang pamilya sanglit suportado man niini ang iyang bag-ong pagkatawo.

Matud pa ni Bebe nga nindot kaayo pamati-on nga nadawat na gyud siya sa iyang pamilya, ug tungod niini malipayon siya sanglit mahimo naman niya ang hagbay ra nga gipitik sa iyang kasing-kasing.

Sa laing bahin, gibutyag ni Bebe nga miagi gyud siya og husto nga ehersisyo aron mausab ang porma sa iyang lawas. Dungag pa ni Bebe nga “alaga” kaayo niya ang tana’ng detalye sa iyang pagkatawo ug panglawas, sama sa iyang cheekbone.

Ella Guevarra isip young Regine

Susama sa ubay-ubay nga mga bata karon nga misulod sa industriya sa showbiz, usa si Ella Guevarra sa wala gyud makalimot sa ilang pangandoy ilabi na ang pagtapos sa pagtuon. Bisan pa man sa iyang dedikasyon sa pagka-artista, wala gyud kini mahimong babag alang kang Ella aron mabiyaan ang iyang edukasyon. Si Ella ang mudala sa papel isip bata nga Regine Velasquez sa Totoy Bato sa GMA-7.