Laughter yoga at tonsilitis sa M&J

Bakit nga ba pag sumapit na ang Ber Months (October, November at December) ay tila salot na darating din ang pesteng sakit sa lalamunan o tonsilitis? Malalaman kung bakit at ano ang dapat gawin para ito maiwasan ngayong gabi sa Mel and Joey.

Kung gusto naman ninyong ma-relax at malimutan ang problema’y hayaan ninyong ipakita sa inyo nina Mel Tiangco at Joey de Leon ang kinahihiligan ngayon ng mga Pinoy na “laughter yoga.” At sa segment na Hanep Bahay ay darayo naman ang pareha sa isang bahay na punum-puno ng mga bagay na ang kulay ay itim, puti, abo at pilak. Malungkutin kaya ang may-ari kaya walang masayang kulay na makikita sa kanyang tahanan?

Ipakikilala rin sa atin ang isang taga-Bacolod na ang hilig ay mangulekta ng kutsara bilang souvenir mula sa mga lugar na napuntahan na niya.