Phoemela kontrobersyal na pod

Kontrobersyal karon ang model/TV host nga si Phoemela Baranda ug Bamboo guitarist Ira Cruz human sila naaksidente sa Urdaneta Village habig sa EDSA sa Makati City kagahapon sa kaadlawon.

Kini tungod kay dunay migawas nga testimonya sa usa ka saksi nga matud pa hubog ang duruha ug nag-away. Dugang pa nga dunay giilogan ang duruha sulod sa ilang sakyanan samtang nagbyahe.

Samtang ang balita sa Balitanghali sa QTV kagahapon, luwan sa itom nga Ford Escape SUV ni Phoemela ang duruha ug mibangga sa usa ka poste sa nahisgutang dapit.

Si Ira ang nagmaneho niini samtang nahitabo ang insidente pasado alas dos sa kadlawon.

Sila si Phoemela ug Ira daling gidala sa Makati Medical Center aron sa pagpaalim sa ilang natagamtaman nga mga samad.

Rhian nasorpresa sa iyang party

Tsika pa sa Pang Masa nga grabe ka-hugyaw o bongga ang gihimong 18th birthday celebration ni Rhian Ramos niadtong Biyernes sa gabii sa usa ka function room sa Manila Peninsula. Si Marvin Agustin maoy nag-host sa debut sa dalaga ug matud pa dunay portion diin gikinahanglan nga tubagon ni Rhian ang 18 questions gikan sa mga tawo nga suod kaniya . Wala gyud atrasi ni Rhian ang pipila ka mga personal questions nga gibato ngadto niya.

“Hindi ko alam ‘yung ginawa nilang iyon na 18 questions for me. Nakakakaba because hindi ko naman alam ang isasagot ko sa mga tanong nila. Para tuloy akong nagkaroon ng press conference,” mapahiyomong pagbutyag ni Rhian ngadto sa PangMasa.

Diha pu’y special dance number ang cast sa bag-o niya nga serye sa GMA-7 nga La Lola diin magsugod na kini karong October 13. Sa nasayran nga si JC de Vera nga leading man ni Rhian sa La Lola maoy escort niya sa iyang debut.

Duha ka mga white gowns ug usa ka pula nga gown ang gisul-ob ni Rhian niadtong gabhiona nga mibagay usab sa color motif sa iyang debut nga red ug white. Naglangkob sa 18 roses ang mga lalake nga suod ni Rhian gikan sa gawas ug sulod sa showbiz.

Ming-una sa pagsayaw kang Rhian ang iyang British dad nga si Mr. Gareth Howell. Diha usab sila si Richard Gomez, Paolo Paraiso, Mark Herras, Marky Cielo, Mart Escudero, Mike Tan, Dion Ignacio, Victor Aliwalas, Aljur Abrenica ug uban pa.

Wala makatambong ang unang leading man ni Rhian nga si Richard Gutierrez tungod kay tua kini sa Europe uban ni KC Concepcion para sa promo tour sa For The First Time. Hinoun, nagpadala og birthday gift si Richard kaniya. Special guest usab ni Rhian nga nalakip sa 18 roses mao si Mark Bautista, kinsa mihalad og kanta alang sa dalaga nga nag-ulohan og “I Need You”

Nalakip usab sa 18 roses ang gihugon-hugon nga boyfriend ni Rhian nga De La Salle player ug model nga si Simon Atkins. Hinoun gibutyag sa dalaga nga managhigala lang silang duha. “Simon naman is not my boyfriend. We’re very good friends noon at hanggang ngayon naman. I’m just so happy na nakarating siya and he was part of my 18 roses dance,” say pa sa dalaga.

Wish ni Rhian sa iyang birthday nga makahigayon og selebrasyon uban sa mga bata sa Child House. “I’m going there in a few days kasi I always celebrate my birthday by doing charity work for them,” dugang pa niini.

Usa usab sa wish nga gusto gyud mahitabo sa dalaga nga maka-graduate siya og high school. Nasayod na ang tanan nga wala niya matapos ang iyang pag-eskwela gumikan sa ka-busy sa iyang schedule. Apan mipasalig ang dalaga nga iya gyud buhaton ang tanan aron makahuman siya og high school.

Mga nagkadaiyang mga “bigatin” nga tawo ang mitambong sa debut party ni Rhian diin pipila niini ang mga executives sa GMA-7 . Didto usab niadtong tungora ang mga Pinoy Idol finalists nga sila si Ram Chavez ug Jayann Bautista.