Rich ug Aljur manag-uyab

Hayan mabulabog ang love team nila ni Aljur Abrenica ug Kris Bernal tungod kay nabuking nga ang Boholanang si Rich Asuncion diay ang tinuod nga uyab sa young actor ug matud pa nasayod na si Kris niini.

Suma pa sa tinubdan sa PangMasa nga dugay ra nga nasayod si Kris niini ug nagpaka aron ingnon lamang sila ni Aljur aron dili maapektuhan ang ilang team up.

 “Kawawa naman si Kris. Siya itong nanalo sa Ultimate Loveteam pero siya itong nawalan ng ka-loveteam. Yung original na ka-loveteam niya na si Mart Escudero ay napunta na kay Jennica Garcia. Ngayon si Aljur, napunta na rin sa iba,” tsika pa sa usa ka tinubdan sa PangMasa.

Pwes, mipadayag na matud pa si Kris nga human sa Dyesebel nila ni Aljur musugot ra siya bisan kinsay iyang pares.

Project ni Sheryl sa GMA-7  wa pay titulo

Wala pay titulo ang bag-ong series nga langkoban ni Sheryl Cruz sa GMA 7. Duna pa pod siyay Varga sa ABS- CBN.

Pero ang manager ni Sheryl nga si Dolor Guevarra, kinsa nahinabi sa PangMasa malipayon kay makabalhin-balhin ra og laing estasyon ang iyang alaga.

Matud pa niya sa dihang milupad si Sheryl paingon sa Dos kay wala pa’y project si Sheryl sa GMA, nananghid gyud sila ni Ms. Wilma Galvante.

Dugang pa sa talent manager nga wala’y conflict sa pagbalik na usab ni Sheryl sa GMA-7 human sa iyang Varga tungod kay wala pa’y giandam nga proyekto ang ABS-CBN para sa aktres.

Carlo lupig na ni Ron

Atol sa presscon sa Star Magic September birthday celebrants, giintriga si Carlo Guevarra kay mas una nga natagaan og break si Ron Morales kay kaniya. Ang duha parehong produkto niadto sa Be Bench contest. Si Carlo ang Big Winner samtang first runner-up si Ron.

Si Ron ang una nga nakaangkon og pagtagad kay nasakop dayon siya isip member sa Cover Boys.

Sa bahin ni Carlo, iyang gibutyag apil pud unta siya sa Cover Boys pero miingon ang Star Magic nga dili na lang siya paapilon sa maong grupo kay bata pa siya og hitsura bisan pa man nga 19 na ang iyang edad.

Hinoun sa pagkakaron, mas mihugyaw ang career ni Carlo   kay human sa iyang appearance sa “Dyosa”, sa My Only Hope na usab siya karon makita diin gidala niya ang papel nga bartender ug ma-inlove kang Regine Angeles.

Pwes, gitangtang si Carlo sa “Dyosa” aron matagaan niya og pagtagad ang My Only Hope.

Bruce Quebral bye showbiz na

Kumpirmado na nga talikdan ni Pinoy Big Brother ex-housemate Bruce Quebral ang showbiz tungod kay nadawat na siya isip flight attendant sa usa ka international airline.

“Aalis na ako sa December, as a cabin crew ako,” nagkanayon si Bruce. “Dati pa plano ko na talagang mag-apply dun, bago pa ako mag-PBB. Nakita ko kasi na mukhang mas stable ang job ko dun. Nakita ko yung opportunity na may opening sa Emirates, sinubukan ko. Ibinigay naman ito sa akin ni God kaya sobrang thankful ako sa kanya.”

“I had my final interview, napag-medical na ako last week. Isang exam na lang, tuberculine test, and then ready to go na ako. Hopefully tuluy-tuloy na,” dugang pa ni Bruce.

“Siyempre, malaking tulong ‘yan (PBB). May mga nakakakilala sa akin na nakita nila kung paano ako magtrabaho sa ABS. In a way, yung personality ko na-develop inside the PBB house, so nagagamit ko talaga siya,” pagtapos pa sa kanhi modelo.