I.T.A.L.Y gipakpakan

Gidugukan sa mga mananan-aw ang gipahigayon nga red-carpet premiere night sa pelikulang I.T.A.L.Y (I Trust And Love You) sa GMA Films. Nag-una sa mga misaksi atol sa maong premiere night ang mga casts sa maong pelikula nga sila si Jolina Magdangal diin tapad niini sa paglingkod mao ang iyang uyab nga si Atty. Bebong Munoz ug ang screen partner niini nga si Marvin Agustin. Mitambong usab sila si Mark Herras, Ruffa Mae Quinto, Dennis Trillo, Rhian Ramos, Eugene Domingo ug si Direk Mark Reyes ug ang mga executives sa GMA Films. Mihatag usab sa ilang suporta ang ubang mga Kapuso stars nga sila si Dingdong Dantes, Iza Calzado, Yasmien Kurdi, Raymond Gutierrez, Bubbles Paraiso ug si John “Sweet” Lapuz. Nasayran sa PangMasa nga bisan wala mitambong si Judy Ann Santos atol sa maong premiere night apan didto ang manager sa actress nga si Alfie Lorenzo. Samtang, daghan kaayo ang mipadayag sa ilang pagdayeg tungod sa kanindot sa dagan sa estorya sa I.T.A.L.Y nga molugwa na sa mga sinehan karong umaabot nga September 17.

Rufa Mae daw gibayaw tungod sa uyab

Pwerteng lipaya ni Rufa Mae Quinto tungod kay giubanan siya sa iyang uyab nga si Bobby Lopez atol sa gipahigayon nga premiere night sa I.T.A.L.Y (I Trust And Love You) dili pa lang dugay. Tsika sa PangMasa nga nalingaw pagmaayo si Bobby tungod kay wala kini magdahom nga daghan kaayong mga fans ang komedyanteng actress nga mitan-aw sa maong premiere night. “I’m so overwhelmed because I can see the people supporting this movie and how well they know P-Chi,” sey ni Bobby. “I would not miss this for anything. I’m proud of her and I want to see the movie and have some fun.” Samtang, matod usab ni Rufa nga mas gi-nerbiyos siya kaysa sa iyang uyab sa maong gabii nga gipasalida ang ilang pelikula. “Sa totoo lang, first time ito, kaya mas ako ang kinakabahan,” nagkatawa nga namulong ang komedyanteng actress. “Gusto ko talagang um-attend siya para naman makita niya na maganda ang pelikula namin and at the same time, ma-experience niya ang mga ginagawa ko. Nagulat nga raw siya kasi ang daming tao. Hindi niya ini-expect na ganito ang premiere night natin sa Pilipinas. Masayahin daw talaga tayo kaya natutuwa siya.” Ug gipaila-ila na ni Rufa si Bobby ngadto kang Dennis nga kahinumduman matod pa sa tsika nga si Dennis ang giselosan ni Bobby niadtong nag-shooting pa sila sa nahisgutang pelikula diin gi-deny kini sa uyab ni Rufa.