Dos Anyos Na Ta! : Happy Birthday Banat Hugyaw! Happy New Year Hugyawnatics!

Pagkapaspas nga miligid sa mga adlaw, ug wa lamang damha nga duha na ka tuig kita nga nag-uban dinhi niining mga pahina sa Banat Hugyaw matag adlaw. Nagmaya ang among kasingkasing, nga dungan sa pagligid sa mga adlaw nagkadaghan usab ang mga nagpakaila sa entertainment section niining mantalaan nga ginganlan og Hugyaw!

Dili sayon ang dalan nga among gisubay  aron lamang mahiabot kita niining adlawa; daghan ang mga pagsuway nga among nahibalag, dunay mga misaway ug dunay mga midayeg. Dihay mga palpak nga layout, diin hasta kapila mi magtrokis aron lamang mahukad namo ang maayo nga dagway sa Hugyaw matag adlaw.

Sa pagligid usab sa mga adlaw, nasinati namo ang yam-iran og mga tawo nga buot namong ipatik dinhi niining mga pahina, mga tawo nga nakamenos ug mga personalidad nga nagpalugit murag kinsang mga sikata. Apan naglabi ang mga tawo o talento nga andam mopaambit sa istorya sa ilang mga paningkamot, mga tawo nga sikat nga bisan among gisayon sayon og sugo pinaagi sa ilang pagpahatud sa ilang hulagway, pagpaabot og dugay sa interview, wala gayud moreklamo tungod kay nakasabot sila sa kawsa sa Hugyaw nga mao ang pagpaila ug pagpaluyo sa mga local nga talento nga sa daghang mga katuigan wala tagda ug wala makabaton og higayon nga mamantala ug mapaila.

Sa matag adlaw usab nato nga pagbinayloay og mga hunahuna, nahigmata na lamang kami nga dili lamang diay kadtong mga hugyawera ug hugyawero diha sa kadalanan, merkado, barber shop ug pantalan ang naghinamhinam nga mobasa sa mga ipatik sa Hugyaw matag adlaw, kun dili hasta usab ang mga nagpahayahay sa ilang bugnaw nga mga opisina, mga tinun-an sa mga sikat nga tunghaan, mga tawo nga englisera ug mga tawo nga nahimutang sa taas nga ang-ang sa katilingban. Niining bag-o lamang usab, nabungog kami sa nagtipun-og nga hangyo nga mopatik usab og mga balita kalabot sa mga sikat nga Hollywood stars, maoy hinungdan nga matag Biyernes na ang atong panagsawo og kasayuran diha sa atong gitawag og Hollywood Glam.

Tinuod makapabukad sa atay ang mga pagdayeg nga among naangkon matag karon ug unya gikan sa mga solido ug minahal namo nga mga hugyawera ug hugyawero nga natagbaw sa among dalit. Apan sayud mi nga layo pa kaayo ang finish line, sinako pa nga bugas ang among usapon aron maabot ang tumoy sa kalampusan. Aminado kami nga daghan pa nga pagsuway ug pagsaway ang among masugatan, sayud nga sa unahan duna pa gihapoy mga local nga talento nga magdumili ug mosalikway namo, ug labaw sa tanan dunay mga bumabasa nga motulisok ug dili makauyon sa among inadlaw nga dalit. Among ipasalig nga bisan pa man niining tanan, nungka nga magbaton mi og kayugot diha sa among kasingkasing tungod kay nakasabot kami nga bisan unsa pa ka negatibo ang mga reaksyon, nagpasabot lamang kini nga kami inyong gihigugma busa buot ninyo nga kami molambo.

Niining tuig 2008, among paningkamotan nga mas matagbaw ug malipay kamo sa among mga dalit. Paningkamotan usab namo ang mas agresibo, mas matinud-anon, mas prangka ug mas gawasnon nga paghukad sa mga balita. Laomi usab nga bisan sa diretso ug walay lipod lipod namo nga pagbalita, magpabilin kaming mas bukas alang sa inyong mga hunahuna ug sentimento, pabilin kaming magmakiangayon, Kapuso ka man o Kapamilya bisan unsa pa man. Kini tungod kay ang Hugyaw dili lamang amoa, kun dili atong tanan. Kung wala kamo, wala usab kami.

Gikan sa kinaoyokan nga bahin sa among kasingkasing, madasigon kaming moingon og: Daghan Kaayong Salamat Hugyawnatics! 

Nganong mobasa ko og Hugyaw?

Wow! Mga suki nato sa Banat Hugyaw Malipayong Bag-ong Tuig kanatong tanan. Basin karon na gyud mga suki mas swerte naka sa salapi, career o dili ba kaha sa gugma? Hala noh? Maayo unta karong tuiga ang mga swerte nga akong gipaabot mabugwak na sa akoa. Pero usa na ka dugay nga suwerte nga akong nadawat mao kini ang pag uban kaninyo diri sa Banat Hugyaw sa tanang higayon.

Para sa bag-ong tuig usa ka suwerte ang nisugat nako kay Anniversary sa Banat Hugyaw ug dili lang na kay akong nahimamat ug napangutana sa atong mga suki kung unsa ang ilang paborito ug nagustuhan sa Hugyaw? Pwes, panukad kay ang tanang mga suki nato adunay nagkalain- laing mga rason.

Kapusong Bobby Nalzaro (Cebu’s tri-media personality. Anchor, Balitang Bisdak ug Saksi, dySS) “Dili man unta ko mahiligon sa mga showbiz chika because I’m in news and public affairs. Apan gumikan sa Hugyaw section sa Banat News nga  sobra kaayo ang mga intriga, nainteres na hinoon ko sa mga showbiz news. Grabe ang  Hugyaw as in  kun showbiz ang hisgutan. Sobrang intriga pero accurate ang mga  inpormasyon. Way kapin way kulang. Diha pod ko nakaila sa mga artista labi pa  kining mga bag-ong sulbong. Sa tinud-anay lang anha mokuha ang taga dySS news department sa showbiz news sa mga showbiz update. Mangopya mi usahay. Usahay lang. Happy News Year! Happy anniversary and more power!

Bestfriend Entoy (Co – Host of Oi show nato ni!GMA 7) “What I like most of Hugyaw is totoo ang mga information, walay lipod-lipod ug makalingaw gyud.Ganahan ko kay pangmasa.

Anna Maris Igpit (Beauty Queen) “Mga maka Hugyaw na blind items! Its funny nga mag atang gyud ang mga tawo sa Cebu sa mga blind items nga mogawas aboout sa mga local celebrity and prominent people. Makalingaw ug maka Hugyaw gyud..hehehhehe..”

Jude Bacalso (Host) “Ganahan kos ka abtik mukuha og lab-as nga balitang showbiz sa Hugyaw, ug ang mga intriga nga istoryahan gyud dayon sa tawo, Hugyaw!”

Recca Marie Menchavez (Host Oi show nato ni! GMA 7) “its the most entertaining section and you get to have a touch of what’s the latest hot and new. It’s Cebu's eyes and ears of the hottest chika. I love it and I feel I am a true Cebuana reading it”

Bien Encierto (Nursing student, University of Visayas) “ganahan ko sa mga blind item”

Glenn Boiser (Purchaser Chevrolet Cebu) “I like Banat Hugyaw because it has more text to read, more intriguing personalities, it brings us closer to the stars, Its entertaining and informative as well. So there’s no reason not to be hooked in Banat Hugyaw! It’s simply better than the best!

Protacio (Cebu Fashion Designers Association [CFDA]) “I enjoy reading Hugyaw because it simply is Hugyaw! Very interesting!

Stephanie Rose Abellon (Businesswoman) “When i get up, the first thing nga akong pangitaon kay ang Banat News gyud! Pakli gyud dayon ko sa Hugyaw pages.Banat Hugyaw keeps me updated with the showbiz world and your column (Bischika) keeps my feet on the ground. Why? Because it indirectly tells me that life and the people around us everyday ilabi na atong loveones hasta sad ang mga tawo nga we've learned to love sama sa mga gipang-feature sa Hugyaw, its amazing gyud! These people are more important than the glitter that showbiz brings..”

Junji Gonzales (PR guru, JY Gonzales & Partners) “Sa kasamok sa politika ug sa kadaghan problema sa ekonomiya di  malikayan ang stress kung mobasa ka og hard news. Aron di ko ma-stress out ug  aron di madaot akong adlaw, wa koy lain basahon kun di Hugyaw.  Makalingaw!”

Toni John Jocson (Segment Producer Oi show nato ni GMA 7) “gusto ko ang mga quotes ng mga artista”

Marichu Tan (Cebu Fashion Designers Association)  “Juicy stories!”

Rara Calinawan (student, Cebu Normal University) “Ganahan ko sa Hugyaw kay very entertaining, updated ko sa showbiz happenings. Congratulations and more power!

Jim Acosta (Proprietor Psalmstre Enterprises) “ I like Hugyaw the way they creatively write the special events. Detalyado gyud. And I am thankful to Banat editorial. Sana magpatuloy sa pagtulong ang Hugyaw sa mga local talents para ma-publicize at magkaroon ng pangalan sa entertainment industry.

Luzviminda Cabase (Housewife) “Ganahan kaayo ko mobasag Hugyaw kay colorful ang pictures ug pirmi  mag-una sa balitang showbiz.”

 Lalaine Go (Reporter, Balitang Bisdak-GMA-7) “I love reading Hugyaw coz in terms of showbiz news updated siya and interesting, nice ang layout and catchy siya sa reader.”

John Paul Du (Events Organizer) “Nindot siya basahon kay daghan mga “echos” sa atong mga paboritong mga artista.. ug mga latest showbiz events nga angay atangan sa mga mahiligon og kalingawan”

Albert Gabutan (Choreographer) “I like most in Hugyaw is the showbiz reports. Why? All news from showbiz are updated and also I enjoy reading all the columns. God bless and more power Hugyaw!

Jurey Mirafuentes (Director/Writer of ABS-CBN’s Saranghe) “Hugyaw is one of the best info-tainment page in local tabloids. Makalingaw, makaintriga, makaukay ug makahugyaw sa  mubasa. HUGYAW JINSHIM ORIN CHUKHAHAMNIDA! (Congratulations and more power Hugyaw!)

Arkim Fallen ( Sales Agent ,RSO) “ Ang Banat Hugyaw kay usa ka section nga puros excitement, enjoyable reading, and most of all naay unod ang kada topic niini

Jerome Tigle ( Production Assistant, Eat na ta Lami gyud GMA 7) “I like in Hugyaw is maayo kaayo sila mo entertain og mga readers, prangka ug diretso mo istorya walay duha duha basta paminaw nila nga nindot or bati basta makahatag og impormasyon sa mga tawo okay ra kaayo.

Dionne Monsanto (PBB2 housemate, Star Magic Talent) “Ganahan ko mubasa og Hugyaw kay makakuha ko og updates dili lamang sa artista kung  dili sa mga events sab. Ako pud ma-greet ang akong mga kaila sa ilahang recent accomplishments.”

Ara Labra (Production Assistant, Balitang Bisdak GMA 7 ) “updated sa mga showbiz chika ug makalingaw gyud! Makita namo ang kahayag sa mangitngit ug dag-um sa kalibutan sa showbiz”

O, di ba? Kung kinsa ka man dili importante ang imong status sa kinabuhi kay ang Banat Hugyaw para sa tanan. Mapasalamaton kaayo mi sa among mga suki nga walay hunong nga nagbugwak sama sa ilang suporta. Kung wala kamo mga suki wala pud ang Banat Hugyaw kay kining tanan nga among gihatag kaninyo kulang pa kini pero laumi ninyo sa umaabot pa nga mga tuig magpabilin ang among pagHugyaw kaninyo! Matsalamz!