Patricia Javier,join na rin sa 'Showgirls'

Sa muling pagbabalik-entablado ng pamosong dance concert na Showgirls, sasabak na rin sa pagalingan sa pag-giling ang sexy star na si Patricia Javier.

Ang Showgirls na pansamantalang namahinga ay muli nang mapapanood sa Casino Filipino-Parañaque sa darating na May 15 (Sabado). Maliban kay Patricia, makakasama rin ng mga original Showgirls na sina Michelle Bayle, Jenny Miller, Michelle Estevez, April Tolentino, Cherry Lou, Belinda Bright at ang mga baguhang sina Jen Lopez, Gem Ramos, Theresa Morales at Collen.

Sa muling pagtatanghal ng Showgirls ay siguradong matutuwa na naman ang libu-libong followers ng nasabing show dahil matutunghayan na naman nila ang pagsasalpukan sa kaseksihan ng mga dance diva.

Maliban sa performance ng Showgirls sa Parañaque ay naka-schedule ring mag-show ang grupo sa May 21 sa Casino Filipino-Mimosa. Ang Showgirls ay handog ng Casino Filipino Parañaque, Jack Daniels, Malice, Greel, & Grind Restaurant, APD Airconditioning Sales & Services, ADWORKS Design Graphic Print at Susies Cuisine at sa tulong nina Mr. Jay-B Bangsil at Mr. Ernie Francisco ng Casino Filipino Parañaque, Atty. Emily Padua at Ms. Jing Arambulo ng Entertainment Dept. ng PAGCOR.

Kaya sa lahat ng mga naka-miss sa Showgirls ay tumawag lang sa Live Artists Production sa telephone number na 920-2643, 926-0556 or cellphone number na 0918-9239825 para sa ticket reservations.