DZMM on the road

Patuloy na naghahari sa himpapawid ang DZMM Radyo Patrol 630 bilang numero unong himpilan sa AM, sa buong Mega Manila, mula Lunes hanggang Sabado, lalo na sa rush hour. Batay sa pinakahuling Radio Research Council (RRC) survey. Muling pinatunayan ng mga de kalibreng anchors at newscasters ng DZMM na sina Korina Sanchez, Neil Ocampo, Angelo Palmones, Vic Lima, Karen Davila, Gerry Baja at Anthony Taberna na ang DZMM ang natatanging Kapamilya ng mga private cars at FX taxi commuters sa lansangan.

Base sa October 2003 RRC Survey, nananatiling nangunguna bilang top rating multi-weekly shows ang mga programang pang-umaga ng DZMM tulad ng Radyo Patrol Balita, Todo Balita, Dos Por Dos at Korina sa Umaga gayundin ang ilang programa ng DWRR sa FM. Numero uno din sa hapon ang mga programa ng DZMM tulad ng TV Patrol, Pasada 630, Usapang de Campanilla at Radyo Patrol Balita.

Wagi rin sa himpapawid tuwing Sabado ang mga pang-umaga at panghapong programa ng DZMM tulad ng Magandang Morning, Sagot Ko Yan, Radyo Negosyo, Kabalikat at Magandang Gabi Bayan.