Diana, di feel maging mistress ng mayor!

May lumalabas na bagong anggulo kung bakit itinuloy ni Mayor Abalos ng Mandaluyong ang demanda niya kay Diana Zubiri. Siguro raw ay hindi pumayag si Diana na makarelasyon niya si Mayor Abalos kaya bigla itong nagngitngit sa galit nang mag-pose siya sa isang pictorial sa Edsa flyover.

"Wala akong alam na gusto niya akong ligawan. Unfair naman yata sa kanya na pagbintangan siya ng ganu’n pagkatapos ng eskandalong nangyari. Wala naman siyang pahiwatig ng any indecent proposal!

"Naku ha! Huwag po kayong magbiro ng ganyan! Ayoko ‘no! Wala akong plano na maging girlfriend ng pulitiko," sabi agad niya.

Si Diana ay bida sa pelikulang Kasiping ng Seiko Films. Kasama si Rodel Velayo. Hindi kaya ang aktor ang dahilan kung bakit ayaw niyang magpaligaw kay Mayor Abalos?