Ka-tsipang away pinapatulan ng 'D'Buzz'!

Na turn-off talaga ako habang nanonood ng programang D’Buzz na ang mga host pa naman ay dalawa sa pinaka-magagaling sa larangan ng telebisyon na sina Kris Aquino at Boy Abunda. Parang sa palagay ko ay nagkulang sila ng feature sa show kung kaya’t pati na ang away nina Sabrina M at Hazel Espinoza na may kinalaman sa pagbibigay ng balato sa napanalunan ng huli sa Magandang Tanghali Bayan ay binigyan nila ng panahon at mahaba-habang oras. Ako ang napapahiya habang nagpapatutsadahan ang dalawa na pati ang mga personal nilang away ay kinalkal na nila on national TV dahilan lamang sa P10,000? Napaka-cheap!

Sabi ni Sabrina, hindi siya interesado sa pera, bakit pumayag siyang i-air ang reklamo niya sa TV? Kung hindi siya interesado sa sampung libo, dapat wala na lang ingay. Nakaka-inis rin yung mannerisms ni Hazel habang paismid-ismid ito sa kanyang pagtatanggol sa kanyang sarili na lalo lamang naglubog sa kanya at nagbigay ng hindi magandang imahe. Kung ayaw niyang magbalato, huwag. Walang makakapilit sa kanya. Pera niya yun, desisyon niya kung ano ang gagawin niya. Sa hirap ng pera ngayon nakapagtataka ba na sumira siya sa usapan kung totoo nga na may previous agreement sila?! Ngayon, nakapagtataka ba kung may mga nasirang tao sa ginanap na impeachment hearing ni dating Pangulong Erap na kung paniniwalaan ang balita involved millions of pesos and dollars kung sa maliit na halaga lamang na hindi pa aabot ng quarter of a million pesos ay nagpaka-cheap na sa TV sa apat na sulok ng Pilipinas ang dalawang sexy stars? Tsk. Tsk. Tsk.

*****

I saw Eric Quizon’s performance in last Sundays GMA’s Telesine titled Ang Mga Lalaki Sa Buhay Ni Amor na no doubt nabigyan niya ng justice yung role niya bilang isang bading na ama ni Cogie Domingo who equally gave an sterling performance. Talagang malaki ang potensyal ni Cogie to be a great actor kung maaalagaan siya. Magagaling ang mga nakasama niya pero hindi nila siya naiwan pagdating sa akting.

Dapat lagyan ni Eric ng mahaba-habang palugit bago siya muling tumanggap ng role ng isang bading. Hindi pa natatagalang maipalabas ang Markova and I’m afraid na baka makalimutan ng tao ang kanyang husay bilang isang aktor at ma-associate na lamang siya sa mga gay roles.

Also, Snooky shouldn’t stop acting. Sayang siya. Marami pang magagandang role para sa kanya.

*****

Makaraan ang apat na taon, muling inilunsad ng Nestea Iced Tea ang kanilang annual Nestea Beach Volley University Challenge. Magkakaroon ng elimination round sa Peb. 21-25 sa CCP na kung saan ginanap ang tournament last year. Ang semi-finals at championship rounds ay magaganap sa Boracay sa Abril 21-22.

Ang magiging kampeon dito ay automatically qualified sa next year’s edition ng Nestea Beach Volley National Open.

Mula naman sa Marso 8-10, professionals and amateur beach volleyball players are expected to participate in the first edition ng Nestea Beach Volley National Open.

*****

Nag-iimbita naman ang Calle 5 Food Zone sa kanilang ika-18th anniversary celebration na pinamagatang "Calle 5 at 18" sa Marso 16 sa kanilang lugar sa Mabini St., Ermita, Manila.

Magiging special guest nila ang grupong Aegis, one of the hottest bands in the music industry courtesy of Harmony Music, isang dibisyon ng Alpha Records.

Also performing are D’Sparks 2 Band, Rhythmic Band at Hariraya Band. Ang "Calle 5 at 18" ay sponsored ng San Miguel Draft Beer. Manager ng lugar sina Maclin Lupina, Jhun Sibi at Walther Millena.

*****

Maraming naiinggit kay Cesar Montano dahil nagawa niyang mahalikan sa labi sa pelikulang Hostage ang isang young actress na ilusyon ng halos lahat ng kalalakihan sa showbiz, si Kristine Hermosa. "It was just a job," anang magaling na aktor nang tanungin kung ano ang naramdaman niya sa naging eksena nila ng magandang artista.

Hostage is Cesar’s first movie since he married Sunshine Cruz in September. They are awaiting the birth of their first born in September, Cesar’s third. "Tamang tama ang pelikulang ito. Timely ang topic: kidnapping and hostage-taking, a lingering problem bugging the country now."

Director is Augusto Salvador. Also starring Bayani Agbayani, Roi Vinzon, Daniel Fernando, Rommel Montano and Amy Austria.