Pari, pinaghimalaan ni Birheng Maria (Part 1)
NOONG nag-aaral si Father Fulton Sheen sa Belgium, gustung-gusto niyang makarating sa Lourdes, France. Gusto niyang itaon ang pagbisita sa Lourdes sa ikalimang anibersaryo ng kanyang ordination.
Subalit mayroon siyang problema, eksakto lamang ang kanyang pera sa train ticket. Wala na siyang gagastusin para sa hotel at iba pa niyang pangangailangan.
Subalit positibo si Father Sheen na matutupad ang kanyang pangarap na makarating sa Lourdes.
“Gusto kong makabisita sa Lourdes at bahala na sa akin ang Blessed Mother para ako tulungan,’’ sabi ni Father Sheen sa sarili.
Nang makarating siya sa Belgium, pinili niyang tumuloy sa pinakamagandang hotel at planong mag-stay siya roon sa loob ng siyam na araw.
Sabi ni Father Sheen na nagbibiro, “When you ask for miracles, you must never be a piker.”
Sa loob ng walong araw na pagbisita sa Lourdes, walang nangyaring himala kay Father Sheen.
Nang magsiyam na araw, wala pa rin. Gabi, ng ikasiyam na araw, wala pa ring nangyari.
Ganap na 10:30 ng gabi, nagtungo siya sa grotto para magdasal sa huling pagkakataon.
Nang patungo na siya sa grotto, isang lalaki ang nagtanong sa kanya kung siya ay American priest na marunong mag-French. (Itutuloy)
- Latest















