Drug trafficker tiklo sa P6.8 milyong droga
MANILA, Philippines — Umaabot sa P6.8 milyong halaga ng shabu ang nakumpiska ng mga otoridad kasunod nang pagkakaaresto sa isang pinaghihinalaang notoryus na drug trafficker sa isinagawang buy-bust operation sa Bacong, Negros Oriental nitong Miyerkules.
Sa report ng Negros Oriental Police Provincial Police Office, kinilala ang nasakoteng suspect na si Antonio Millomida Torres, 42-anyos, ng Brgu. Tabuc-tubig, Dumaguete City.
Ayon sa pulisya si Torres ay nakatala bilang High Value Targets (HVT) na nasakote sa operasyon sa Brgy. Sulodpan, Bacong ng lalawigang ito noong Miyerkules ng hapon.
Bago ito ay nakipag-deal ang suspect sa undercover agent ng pulisya na bibili ng droga kaya agad na ikinasa ang buy-bust operation.
Hindi na nakapalag ang suspect matapos itong mapalibutan ng arresting team na agad itong pinosasan.
Nakumpiska mula sa suspect ang mga transparent plastic sachet na naglalaman ng shabu na iba-iba ang sukat, cellphone at perang hinihinalang pinagbentahan nito sa droga gayundin ang motorsiklong gamit nito sa kanilang illegal na aktibidades.
- Latest


















