2 truck nagsalpukan: Driver lasog

MALOLOS CITY, Bulacan, Philippines — Patay ang truck driver nang aksidente makabanggaan ang isang kapwa truck sa North Luzon Expressway (NLEX) na sakop ng bayan ng Guiguinto, dito sa lalawigan nitong Agosto 11.

Sa report ng pulisya, kinilala ang nasawi na si Joselito de Leon, residente ng Dampol 2A, Pulilan.

Ayon sa report, binabagtas ng dalawang cargo truck ang northbound bandang alas-5:10 ng umaga nang aksidenteng magkasagian at tuluyang magkabanggaan ang mga ito.

Nabatid na habang binagtas ng Hino Cargo truck na minamaneho ni alyas “Marco” ang lane 2 nang aksidenteng mabangga ang kaliwang likurang bahagi ng Isuzu cargo truck na minamaneho ni Joselito na nasa lane 3.

Dahil sa banggaan, nagtamo ng mga sugat sa katawan si Joselito na agad dinala ng rumespondeng ambulansya sa ospital para sa paunang lunas subalit binawian na ito ng buhay.