4 patay sa salpukan ng 2 motorsiklo
MALILIPOT, Albay, Philippines — Apat katao ang nasawi matapos magbanggaan ang kanilang sinasakyang mga motorsiklo sa kahabaan ng national highway ng Brgy. San Isidro, Malilipot, Albay kamakalawa ng gabi.
Nagkalasug-lasog ang katawan at agarang nasawi ang mga riders na kinilala lamang sa pangalang “Mandy”, 35-anyos, ng Tabaco City; “Celso”, 29-anyos at mga angkas nito na sina Minggoy, 33-anyos at Dalton, 43-anyos, pawang residente ng Brgy. Teresa ng naturang bayan.
Sa ulat, magkasalubong at kapwa mabilis na binabagtas ng motorsiklo nina Mandy at Celso na angkas sina Minggoy at Dalton ang kahabaan ng highway. Gayunman, pagdating sa lugar ay malakas na nagbanggaan ang kanilang mga motorsiklo dahilan para tumilapon lahat ng biktima at malakas na humampas sa sementadong kalsada sanhi ng pagkamatay ng apat katao na umano’y mga nakainom at walang suot na helmet nang maganap ang insidente.
- Latest
