Purok lider umawat sa nag-aamok na pinsan, patay!
CAVITE, Philippines — Patay ang isang purok lider matapos saksakin sa dibdib na tumagos sa kanyang puso ng sariling pinsan na inawat nito sa pag-aamok dahil sa kalasingan, kamakalawa ng gabi sa Sitio Kamandag 1 Brgy. Bagong Nayon, Antipolo, Rizal
Dead-on-arrival na sa pagamutan ang biktimang kinilala sa alyas Freddie, nasa hustong gulang, purok leader ng Sitio Kamandag 1 ng nasabing barangay.
Arestado naman ang suspek na kinilala sa alyas “Alex”, nasa hustong gulang, pinsan ng biktima at residente rin ng nasabing lugar .
Sa imbestigasyon ng pulisya, alas-6:40 ng gabi nang maganap ang insidente habang lasing umano ang suspek na nagwawala at armado ng patalim sa kanilang lugar.
Bilang purok lider, rumesponde ang biktima at tinangka nitong payapain ang pinsan na armado ng patalim. Imbes namang makinig, agad sinugod ng saksak sa dibdib ang kanyang pinsang purok leader.
Naitakbo pa Antipolo District Hospital ang biktima subalit idineklara nang patay ng manggagamot habang mabilis na tumakas ang suspek matapos ang krimen subalit agad rin siyang naaresto sa hot pursuit operation ng pulisya.
- Latest