Ex-kagawad patay sa pamamaril
LOBO, Batangas, Philippines — Patay ang isang dating barangay kagawad nang pagbabarilin ng hindi pa kilalang suspek, kamakalawa ng hapon sa Brgy. Mabilog ng bayang ito.
Kinilala ng pulisya ang nasawing si Rogelio Lontoc, 61, negosyante ng uling at residente ng Barangay Mabilog na Bundok, ng bayang nabanggit.
Ayon sa report, alas-5:00 ng hapon ay nasa terasa ng kanilang bahay ang biktima nang dumating ang isang lalaki at nagtanong tungkol sa ibinebenta nitong uling.
Sa hindi malamang dahilan ay bigla nalang bumunot ng baril ang suspek at binaril ang biktima sa iba’t ibang bahagi ng katawan.
Isinugod pa sa Lobo District Hospital ang biktima pero idineklara na itong dead on arrival ng mga doktor.
Inaalam pa rin ng mga otoridad kung ano ang motibo at pagkakakilanlan ng suspek na tinutugis na ngayon.
- Latest
