Barangay chairman itinumba ng tandem

DASMARIÑAS CITY, Cavite, Philippines — Dead-on-the-spot ang isang barangay chairman nang ito ay pagbabarilin ng isang lalaki na angkas sa motorsiklo habang nasa loob ng kanyang sasakyan sa may palengke ng Brgy.San Dionisio naganap kahapon ng umaga sa lungsod na ito.

Ang nasawi ay kinilalang si Dominador Jun Narido Jr, nasa hustong gulang, chairman ng nasabing barangay.

Sa ulat, alas-11:00 ng umaga ay minamaneho ng biktima ang kaniyang kotse (NDK-7822) at bumabagtas sa may palengke nang dikitan ng motorsiklo at dito ay bumunot ng baril ang angkas at sunud-sunod na pinagbabaril na agad nitong ikinasawi.

Nabatid din na may 6-anyos na batang babae na si Liahan Jhoy Ramos,ang tinamaan ng ligaw na bala sa hita.