Kasera kinatay ng tenant
RIZAL, Philippines — Patay ang isang landlord makaraang pagsasaksakin ng kanyang tenant na sinisingil niya sa tatlong buwang utang sa renta ng bahay sa Antipolo City kamakalawa ng gabi.
Hindi na umabot nang buhay sa Amang Rodriguez Memorial Medical Center ang biktimang si Florentino Umandak, nasa hustong gulang, matapos na pagsasaksakin ng tumakas na suspek na si Joel Fernandez.
Sa imbestigasyon, dakong ala-6:00 ng gabi nang maganap ang kri-men sa pinauupahang bahay sa Brgy. Cupang, Antipolo City.
Nauna rito, pinuntahan ni Umandak ang suspek sa tahanan nito at sinisingil sa tatlong buwang utang sa renta ng bahay. Bigo naman umanong makapagba-yad ang suspek na ikinagalit ng biktima hanggang sa magkaroon ng mainitang pagtatalo sa pagitan ng dalawa.
Sa galit ng suspek, pumasok siya sa inuupahang bahay at pagbalik ay armado na ng patalim saka pinagsasaksak ang nabiglang kasera.
- Latest
