300 baboy, inilibing nang buhay
RIZAL - Pumalag ang mga residente ng Antipolo City dahil sa pagkumpiska at paglibing nang buhay sa kanilang mga alagang baboy kahapon ng umaga.
Hindi rin nagustuhan ng mga residente ang paglilibing sa mga baboy na malapit lamang sa kani-kanilang tahanan dahil sa pangambang mangamoy ang mga ito na posibleng maghatid ng sakit sa kanila.
Sinasabing nasa 300 baboy ang kinumpiska ng veterinary office ng Antipolo mula sa Barangay Cupang.
Ayon sa Veterinary Office, ginawa nila ang hakbang matapos mamatay ang isang baboy na nagpakita ng sintomas ng hindi pa batid na sakit na nagsimula sa tatlong barangay na katabing bayan ng Rodriguez.
Sinabi ng mga residente, mali ang paraan ng pagpatay sa mga baboy na ang mga biik ay isinako, inilibing nang buhay at inipit ng backhoe nang buhay.
Hindi rin anila sapat ang P3,000 pangakong ayuda dahil nasa P15,000-P18,000 ang halaga ng mga inahing baboy.
Maging ang grupo ng animal welfare ay nagsabing hindi tama ang proseso ng pagpatay sa mga baboy.
- Latest