‘Tulak’ bulagta sa drug ops

LUCENA CITY  , Philippines  —  Patay ang isang hinihinalang tulak ng droga na kabilang sa drug watchlist makaraang umano’y makipagbarilan sa mga operatiba ng City Drug Enforcement Unit (CDEU) sa anti-drug operation sa Purok 3B, Brgy. Dalahican, kahapon. Sa ulat ni P/Ltc. Reydante Ariza, chief of police dito, kinilala ang napaslang na suspek na si Roger Nunez, alyas “Kalabaw/Negro”, residente sa nasabing lugar.

Sa imbestigasyon, nakabili ng 0.30 gramo ng shabu ang poseur buyer na pulis sa suspek dakong alas-2:20 ng hapon. Gayunman, agad na nakahalata ang suspek hanggang sa bumunot ng snub nose na kalibre 28 at nagpaputok. 

Napuruhan ang suspek nang gantihan ng mga pulis. Sa pagsisiyasat ng SOCO, nakuha sa katawan ng suspek ang ilang plastic sachet ng droga.