May-ari ng lupa pinugutan ng tenant
LEGAZPI CITY, Albay, Philippines – Brutal na kamatayan ang sinapit ng 50-anyos na may-ari ng lupa matapos itong pagtatagain ay tinagpas pa ang kanyang ulo ng kanyang tenant sa Barangay Mina sa bayan ng Camalig, Albay noong Miyerkules ng hapon. Patay at nakahiwalay ang ulo nang matagpuan ng mga pulis ang biktimang si Edwin Lienas habang pinaghahanap naman ang suspek na si Teodoro Odin, 62, kapwa nakatira sa nasabing barangay. Base sa police report na isinumite sa Camp Simeon Ola, nagtalo ang dalawa kaugnay sa hinihinging parte nang sinasaka ng suspek sa lupang pag-aari ng biktima. Nauwi sa matinding pagtatalo ang usapan hanggang sa pinagtataga ng suspek ang biktima gamit ang matalim na gulok. Hindi pa nakuntento ang suspek ay pinugutan pa nito ang biktima bago tumakas.
- Latest