Mag-utol tiklo sa P.3-M shabu

QUEZON, Philippines – Bumagsak sa kamay ng batas ang magkapatid na drug peddler makaraang makumpiskahan ng P.3 milyong halaga ng shabu sa isinagawang drug bust operation sa Purok 3A, Barangay Dalahican sa Lucena City, Quezon kamakalawa ng gabi. Kinasuhan na ng paglabag sa RA 9165 ang mga suspek na sina Glenda Medina, 47; at Rizal Medina, 38, mga nakatira sa nasabing barangay. Sa police report na nakarating kay P/Supt. Joel de Mesa, hepe ang Lucena City PNP, inilatag ang operasyon sa bahay ni Glenda kung saan nasamsam ang 26 gramo ng shabu na nagkakahalaga ng P306, 800. Narekober naman kay Rizal ang marked money na P3,000 at mga drug paraphernalia.