Senglot itinumba sa kalsada
TUGUEGARAO CITY, Cagayan, Philippines – Pinabulagta ang 53-anyos na senglot na may masamang tabas ng bibig matapos itong barilin ng hindi kilalang lalaki sa Barangay Bulala, bayan ng Camalaniugan, Cagayan kamakalawa. Sa pahayag ni P/Chief Insp. Virgilio Dorado, pinagmumura ng biktimang si Isidro Porsenido ang mga nakapaligid na residente sa loob ng restaurant. Nabatid na kinamumuhian sa kanilang lugar ang ugali ng biktima sa tuwing ito ay nalalasing.Ayon sa police report, pauwi na ang biktima nang sundan at barilin sa ulo bandang alas-8:30 ng gabi kung saan naisugod pa ito sa Matilde Olivas District Hospital subalit idineklarang patay. Natukoy ng pulisya ang gunman subalit pansamantalang hindi isiniwalat ang pagkakakilanlan habang inihahanda ang kaukulang kaso. Narekober sa crime scene ng isang basyo ng bala ng cal.45 pistol.
- Latest